मित्राच्या कर्जासाठी जामीनदार झाला पण ज्याची भाती तेच घडलं, ट्रॅकवर हात तुटलेल्या अवस्थेत सापडली बॉडी.

सोलापूर शहरात एक दुर्दैवी घटना घडली आहे. एका तरुणाने धावत्या रेल्वे समोर उडी घेऊन स्वतःच्या आयुष्याचा शेवट केला आहे. नागेश सुरेश अंटद (वय ३९, रा. घर नंबर ८३३, शरणमठ, राठी कारखाना, सोलापूर) असे आत्महत्या केलेल्या तरुणाचे नाव आहे. मंगळवार, ३ जून रोजी मध्यरात्री साडेदहा वाजेच्या सुमारास रेल्वे डाऊन लाइन किलोमीटर ४५७/२५ च्या जवळ हात कट झालेल्या स्थितीत नागेश अंटद बेशुद्धावस्थेत आढळले होते.उपचारासाठी शासकीय रुग्णालयात दाखल केले असता, डॉक्टरांनी नागेश अंटद यांना मृत घोषित केले. शासकीय रुग्णालयात नागेश यांच्या नातेवाईकांची मोठी गर्दी झाली होती. नातेवाईकानी माहिती देताना सांगितले, नागेश अंटद मित्राला कर्ज काढताना त्याला जामीनदार झाले होते मित्राने हफ्ते भरले नव्हते म्हणून फायनान्स कंपनीने तगादा लावला होता, त्याला कंटाळून नागेश यांनी टोकाचे पाऊल उचलले.

नागेश यांच्या मृत्यूने सोलापुरात हळहळ व्यक्त होत आहे.नागेश अंटद मंगळवार, ३ जून रोजी मध्यरात्री साडेदहा वाजेच्या सुमारास रेल्वे डाऊन लाइन किलोमीटर ४५७/२५ च्या जवळ हात कट झालेल्या स्थितीत आढळले. रेल्वे प्रशासनाकडून माहिती प्राप्त होताच सदर बझार पोलिस ठाण्याचे पोलिस अधिकारी व कर्मचारी घटनास्थळी दाखल झाले. त्यानंतर रेल्वे रुळावर बेशुद्धावस्थेत पडलेल्या तरुणास उपचारासाठी पोलिस हेडकॉन्स्टेबल आर. एन. मनोहर यांनी सोलापूर येथील शासकीय रुग्णालयात दाखल केले.

मात्र, उपचारापूर्वीच त्याचा मृत्यू झाल्याचे डॉ. धुव्र गायकवाड यांनी सांगितले. मृत्यूची वार्ता कळताच नातेवाईकांनी शासकीय रुग्णालयात धाव घेतली.नागेश मित्राच्या कर्जप्रकरणासाठी जामीनदार झाले होते. मित्राने कर्जाचे हप्ते भरले नाहीत, त्यामुळे फायनान्स कंपनीकडून पैशांसाठी नागेश याच्यांकडे सातत्याने तगादा लावला जात होता. याच त्रासाला ते कंटाळले होते, मानसिक संतुलन बिघडले होते, त्यातूनच त्यांनी जीवन संपविण्याचा निर्णय घेतल्याची शक्यता नातेवाइकांनी व्यक्त केली आहे.