Rajendra Nikam
जि. प. शिक्षिका शिंगटे यांना आदर्श शिक्षक पुरस्कार जाहीर.
ध्येय एज्युकेशन फाउंडेशन महाराष्ट्र राज्य यांच्यातर्फे आयोजित ध्येय एज्युकेशन आयकॉन्स समिट २०२५ या राज्यस्तरीय समारंभात बोदवड तालुक्यातील शेलवड जि. प. मराठी शाळा येथील शुभांगी लक्ष्मण शिंगटे यांची राज्यस्तरीय आदर्श शिक्षक पुरस्कारासाठी निवड करण्यात आली आहे. शिक्षण क्षेत्रातील सातत्यपूर्ण कार्य ज्ञान विद्यार्थ्यांच्या सर्वांगीण विकासासाठी केलेले प्रयत्न शैक्षणिक उपक्रमामध्ये नाविन्यपूर्ण प्रयोग व समाजातील योगदान या सर्व बाबी लक्षात घेऊन राज्यस्तरीय पुरस्कारासाठी निवड करण्यात आली आहे. पुरस्कार वितरण सोहळा निगडी पिंपरी चिंचवड येथील ग. दि. माडगूळकर नाट्यगृह येथे दि. २९ रोजी आयोजित ध्येय एज्युकेशन फाउंडेशन वर्षी २००५ या राज्यस्तरीय सत्कारमूर्ती भव्य समारंभात आदर्श शिक्षक पुरस्कार देऊन शुभांगी शिंगटे यांना गौरविण्यात येणार आहे. तरी आदर्श पुरस्कार प्राप्त होणार असल्याने सर्व स्तरांमधून शिंगटे यांच्यावर अभिनंदन याचा वर्षाव सुरू आहे.
