‘ते’ सावित्रीबाईंपेक्षा मोठे नाहीत; छगन भुजबळांचा पुणे विद्यापीठ उपकेंद्राच्या नामकरणाला विरोध.

नाशिकमध्ये पत्रकारांशी बोलतांना भुजबळ यांनी मंत्रिमंडळ विस्तारातून डावलण्यासह राज्यसरकारच्या समित्यांमधूनही डावलण्यात आल्याबाबत भाष्य केले.स्वांतत्र्यवीर सावरकर, भाऊसाहेब हिरे हे सावित्रीबाई फुलेंपेक्षा मोठे नाहीत. त्यामुळे त्यांचे नाव सावित्रीबाई फुले पुणे विद्यापीठाच्या नाशिक उपकेंद्राला देण्यास आपला विरोध असल्याचे सांगत, भुजबळांनी नामकरणाच्या वादावर नाराजी व्यक्त केली. यशवंतराव चव्हाण मुक्त विद्यापीठ, तसेच शिवाजी विद्यापीठाच्या उपकेंद्रांना त्यांचीच नावे असताना सावित्रीबाई फुले विद्यापीठाच्या उपकेंद्राला अन्य नावे का, असा सवाल करीत, तुमच्या संस्थांना ही नावे द्या, असा सल्लाही भुजबळांनी दिला.नाशिकमध्ये पत्रकारांशी बोलतांना भुजबळ यांनी मंत्रिमंडळ विस्तारातून डावलण्यासह राज्यसरकारच्या समित्यांमधूनही डावलण्यात आल्याबाबत भाष्य केले.

मंत्रिमंडळ विस्ताराचे मुख्यमंत्री देवेंद्र फडणवीस यांना विचारा, असे सांगत, या समित्या कनिष्ठ लोकांसाठी आहेत. ओबीसी म्हणून सुहास कांदेंना संधी मिळाली आहे. त्यामुळे माझ्या नाराजीचा प्रश्न निरर्थक असल्याचे भुजबळ म्हणाले. मी उपमुख्यमंत्री राहिलो असून, वरिष्ठ आमदार आहे. त्यामुळे मला आणखी किती खाली आणायचे, असा सवालही त्यांनी केला.या समित्यांवर नवीन आमदारांना संधी दिली. केवळ लोकलेखा समितीवर विरोधी पक्षाच्या वरिष्ठ आमदाराची नियुक्ती करण्याची प्रथा असल्याचे ते म्हणाले. सिंहस्थापूर्वी साधू-महंतांच्या स्नानासाठी गोदावरीचे पाणी शुद्ध होणे आवश्यक आहे, असे ते म्हणाले.

नाशिक-त्र्यंबकेश्वर कुंभमेळा यात भांडण करण्यासारखे नाही, असेही त्यांनी स्पष्ट केले.छत्रपती शिवाजी महाराजांचा अवमान करणाऱ्या प्रशांत कोरटकर याच्यावर झालेल्या हल्ल्याबाबतही भुजबळांनी भाष्य केले. वकील हा शेवटी माणूसच असतो. छत्रपती शिवाजी महाराजांबाबत प्रत्येकाच्या भावना तीव्र आहेत. त्यामुळे राग येणे स्वाभाविक आहे. महाराजांबाबत ज्या प्रकारे अवमान झाला, त्यामुळे व्यथित होऊन वकिलाने हात उचलला असेल, असे असे ते म्हणाले.