कोर्टात दोन्ही वकिलांमध्ये जोरदार खडाजंगी, वाचा A टू Z युक्तिवाद.

प्रशांत कोरटकर याची पोलीस कोठडी संपल्याने त्याला न्यायालयात आज परत हजर करण्यात आलं. यावेळी सरकारी वकिलांनी कोरटकरच्या 5 दिवसांच्या पोलीस कोठडीची मागणी केली. त्याला कोरटकरचे वकील सौरभ घाग यांनी विरोध केला. यावेळी वकील असीम सरोदे आणि वकील सौरभ घाग यांच्यात शाब्दिक वाद झाला. इतिहास संशोधक इंद्रजित सावंत यांना धमकी देणारा तथा महापुरुषांबद्दल आक्षेपार्ह वक्तव्य करणाऱ्या प्रशांत कोरटकर (Prashant Koratkar) याला कोल्हापूर पोलिसांनी (Kolhapur Police) आज जिल्हा सत्र न्यायालयात हजर केलं. कोरटकरला मोठ्या पोलीस बंदोबस्तात आज न्यायालयात हजर करण्यात आलं. कोरटकरची आज पोलीस कोठडी संपल्याने त्याला न्यायालयात आज परत हजर करण्यात आलं. चौथे सह दिवाणी न्यायाधीश कनिष्ठ स्तर S.S. तट यांच्या समोर सुनावणी पार पडली. सरकारी पक्षातर्फे वकील सूर्यकांत पोवार हे सुनावणीत प्रत्यक्ष सहभागी झाले. इंद्रजित सावंत यांच्या तर्फे वकील असीम सरोदे हे व्हिडीओ कॉन्फरन्सिकद्वारे ऑनलाईन पद्धतीने सुनावणीत सहभागी झाले. तर प्रशांत कोरटकर याच्या तर्फे वकील सौरभ घाग हेही सुनावणीत प्रत्यक्ष सहभागी झाले. यावेळी सावंत यांचे वकील असीम सरोदे आणि कोरटकरचे वकील सौरभ घाग यांच्या खडाजंगी झाली.

 

तपास अधिकारी PSI संतोष गळवे यांनी न्यायालयात महत्त्वाची माहिती दिली. “आरोपी ज्या ज्या हॉटेलमध्ये राहिला होता त्या माहितीवरून हॉटेल व्यवस्थापकांना नोटीस देऊन माहिती घ्यायची आहे. तपासात काही जणांची नावे पुढे आली आहेत. त्यांना नोटीस पाठवली आहे. कोरटकरने वापरलेली एक गाडी जप्त केली आहे. कोणी कोणी मदत केली त्यांच्यासोबत समोरासमोर बसवून तपास करायचा आहे. गुन्ह्यात कोणते वाहन वापरले होते याची अजून चौकशी करायची आहे. आरोपीने फोन केला होता. त्यावेळी समान उद्दीष्टे ठेऊन त्यांच्यासोबत कोण होते याचा तपास करायचा आहे. अंतरिम संरक्षण नसताना आर्थिक मदत कोणी केली याचा तपास करायचा आहे. त्यासाठी वाढीव कोठडी हवी आहे”, असं तपास अधिकारी म्हणाले.”प्रशीक पडवेकर, राजेंद्र जोशी, आणखी दोघे यांना नोटीस पाठवली आहे. या लोकांनी मदत केली तर त्यांना या गुन्हात आरोपी करता येईल. धीरज चौधरी याची कार फरार होण्यासाठी वापरल्याची आरोपीने माहीती दिलीय. ती कार गुन्ह्यात जप्त केली आहे. ज्या लोकांची नावे घेतली आहेत ती हयात आहेत का? तपासायची आहे. त्यांना समोरा समोर बसवून तपास करायचा आहे. यूपीआय पेमेंट फरार काळात केलेलं नाही.

त्यामुळे आर्थिक मदत तपासायची आहे”, असा युक्तिवाद सरकारी वकिलांनी केला.”कोणती संघटना आरोपीला मदत करते का? हे तपासायचे आहे. दोन समाजातली दरी वाढण्याची लक्षणे दिसत आहे. आरोपीचा मुख्य हेतू होता की हे कोणी त्याच्या स्टेटमेंटमधून घडवून आणले आहे का हे तपासायचे आहे. आरोपीच्या आवाजाचे नमुने घेतले त्यावेळी आवाज त्याचा होता हे कबूल केले आहे. या गुन्ह्याचा हेतू बाहेर राहून कोणीतरी सफल करताना दिसत आहे. याची चौकशी करणे गरजेचे आहे. तपासात प्रगती आहे त्यामुळे कोठडीतून आणखी प्रगती होईल”, असं सरकारी वकील म्हणाले.सरकारी वकिलांनी 5 दिवसांची वाढीव पोलीस कोठडीची मागणी न्यायालयात केली. कोरटकरच्या मागे कोणती संस्था कार्यरत आहे का? याचाही तपास करायचा आहे. त्याने सिंकदाराबाद, हैदराबाद, तेलंगणा या ठिकाणी प्रवास केलाय. त्याठिकाणी जाऊन पोलिसांना तपास करायचा आहे. त्यासाठी वाढीव पोलीस कोठडी द्या, अशी मागणी सरकारी वकिलांनी केली.”इंद्रजित सावंत यांनी ही अडिओ व्हायरल केली. त्यावर सगळ्या समाजाला कळावे म्हणून पोस्ट करतोय असे लिहले आहे. कोरटकर यांनी माझा आवाज मोर्फ झाल्याची माहिती त्याच वेळी नागपूर पोलिसांना दिली. आवाजाचे नमुने घेतले आहेत, जबाब घेतले आहेत, फोन आणि सिमकार्ड जमा केले आहे. तपासासाठी 3 दिवसांची दिलेली कोठडी भरपूर आहे. वाढीव कोठडी देण्याची गरज नाही”, असं कोरटकरचे वकील सौरभ घाग म्हणाले.सहा सात ठिकाणी आरोपी राहिला आहे. चार कार वापरल्या असतील त्या रिकव्हर होणे गरजेचे आहे. सहा हॉटेलमध्ये राहिला आहे त्याची माहिती घेणे गरजेचे आहे. कारमधून प्रवास केला. त्याचे टोल नाक्यावरचे सीसीटीव्ही तपासावे लागतील. त्याच्या कारमध्ये कोण कोण हेते हे तपासावे लागेल.”ऑडिओ अपलोड केला हे गुन्हा आहे असे घाग म्हणतात. हा कोणता गुन्हा आहे का? कोरटकर खोटारडा, पुरावा नष्ट करणारा गुन्हेगार आहे हे स्पष्ट झाले आहे. धीरज चौधरी हा बुकी आहे,तो गुन्हेगार आहे. त्याच्यासोबत कोरटकरचे संबंध आहेत का? हे तपासावे लागतील. आणखी सीडीआर काढावे लागतील. तो अनेक राज्यात फिरला आहे. अंतरराज्य स्वरूप याला आले आहे. पोलिसांची कोठडीची डिमांड मान्य व्हावी”, असं असीम सरोदे म्हणाले.त्यावर कोरटकरचे वकील सौरभ घाग यांनी युक्तिवाद केला. “वयस्क आई, मुलगी, पत्नी कोरटकर यांच्या घरी आहे. तो घरात एकटा कमावणारा आहे”, असं घाग म्हणाले. यावेळी असीम सरोदे बोलायला लागले. यावेळी “असीम सरोदे यांचा आवाज बंद करा”, असे घाग म्हणताच असीम सरोदे राज्यात सगळ्यांचे आवाज बंद करता का? म्हणाले. “सरोदे तुम्ही मीडियात बोलत नाही कोर्टात आहात”, असं घाग यांनी सरोदे यांना सुनावलं.