शिवसेनेच्या मंचावर अपक्ष आमदाराची एन्ट्री, विजयबापू शिवतारेंचं नाव घेतलं, दादांची बारामती काबीज करण्याचा चंग?

आपल्याला कोणी आवडो अगर न आवडो, दादा-भाऊ म्हणून काम करायचं. शिवसेनेत आता जोड्या लावायची सवय लागली आहे, आपली शिवसेना अशी नाहीये हे लक्षात ठेवा, असं शरद सोनवणे म्हणाले.शिवसेनेला रामराम ठोकल्यानंतर अपक्ष विधानसभा निवडणूक लढवती विजयी झालेले आमदार शरद सोनवणे (Sharad Sonavane) यांनी शिवसेनेच्या संवाद बैठकीला हजेरी लावली. बारामती लोकसभा मतदारसंघात सर्व सहा मतदारसंघात विजय बापू शिवतारे (Vijay Shivtare) यांनी आपले आमदार निवडून आणले पाहिजेत, असं शरद सोनवणे म्हणाल्याने महायुतीतील अजित पवार यांच्या बारामतीवर शिवसेनेचा डोळा असल्याचे दिसते.मनातला ‘मी’पणा काढून टाका, मला कुठेही बसवा, मला संघटनेचं काम करायचं आहे, असं रवींद्र धंगेकर म्हणाले, याचा मला अभिमान आहे. लोकशाहीत डोकी मोजली जातात, आपण ८० पैकी ६० आमदार निवडून आणले. एकीकडे तीन पक्ष युतीमध्ये आहेत, कोणाकडे किती आमदार, नगरसेवक आहेत हे पाहिले पाहिजे, असं शरद सोनवणे म्हणाले.

आपल्याला कोणी आवडो अगर न आवडो, दादा-भाऊ म्हणून काम करायचं. शिवसेनेत आता जोड्या लावायची सवय लागली आहे, आपली शिवसेना अशी नाहीये हे लक्षात ठेवा. आपल्या नेत्यांचा सन्मान ठेवा, आमदार-नगरसेवकांचा सन्मान ठेवा, संघटनेतील लोकांनी कान खाल्ल्यामुळे २००९ साली माझं तिकीट कापलं. २०१४ साली सुद्धा संघटनेतील गटबाजीमुळेच माझं तिकीट कापलं.काही जण म्हणतात गुवाहाटीच्या वेळेस आम्ही आलो अन् संघटना वाढवली, सांगा मग पुणे जिल्ह्यात आपले किती आमदार आहेत? ऑफिशिअली किती? तसं अनऑफिशिअली… असं म्हणत अपक्ष म्हणून आमदारपदी निवडून आलेल्या शरद सोनवणे यांनी टोला लगावला.बारामती लोकसभा मतदारसंघातील सहा विधानसभा मतदारसंघात आपलेच आमदार असायला हवे. शिवसेनेच्या संवाद बैठकीत आमदार शरद सोनवणे यांची मोठी भूमिका. बारामती लोकसभा मतदारसंघात सर्व सहा मतदारसंघात विजय बापू शिवतारे यांनी आपले आमदार निवडून आणले पाहिजे. कारण राजकारणात काहीही होऊ शकतो उद्या म्हणाले तुमच्या ताकतीवर लढा, तर आपली स्वतःची ताकद भक्कम हवी, पक्षाने आदेश दिला आणि उद्याची शिरूर लोकसभा जिंकायची आदेश दिले, तर जिंकणारच आणि इतकंच नाही तर लोकसभा मतदारसंघात सर्व आमदार निवडून आणणार, असं सोनवणे म्हणाल्याने महायुतीतील अजित पवार यांच्या बारामतीवर शिवसेनेचा डोळा असल्याचे दिसते.