तरुणीला हत्याराचा धाक दाखवत विनयभंग, शरीरसुखाची मागणी; पुण्यातील धक्कादायक प्रकार.

पुण्यात एकामागे दररोज हत्येच्या, गुन्हेगारीच्या घटना समोर येत आहेत. अशीच एक धक्कादायक घटना समोर आली असून हत्याराचा धाक दाखवत तरुणीचा विनयभंग केल्याचं समोर आलं आहे.पुण्यात सावित्रीच्या लेकी सुरक्षित राहिल्या नाहीत, असंच चित्र समोर दिसतं आहे. पुण्यात गुन्हेगारी मोठ्या प्रमाणात वाढली असून गुन्हेगारी सोबत महिलांची सुरक्षा देखील धोक्यात आल्याची परिस्थिती आहे. विविध ठिकाणी सर्रासपणे हत्यारांचा वापर होत आहे. हत्यारांनी भरचौकात, रस्त्यात हत्येच्या अनेक घटना मागील काही दिवसांत समोर आल्या आहेत. पुण्यात पुन्हा एकदा अशीच एक धक्कादायक घटना समोर आली आहे. हत्याराचा धाक दाखवत तरुणीचा विनयभंग केल्याची घटना समोर आली आहे. या घटनेनंतर तरुणी भयभीत झाली होती, तब्बल चार दिवसानंतर या प्रकरणाची पोलीस ठाण्यात तक्रार देण्यात आली आहे.

सोसायटीच्या पार्किंगमध्ये तरुणीला मागून मिठी मारत तिच्या सोबत अश्लिल चाळे केले. माझ्या सोबत व्हेपन आहे, अशी धमकी देत शाररिक सुखाची मागणी केली. या प्रकरणी तरुणीने सहकारनगर पोलीस ठाण्यात तक्रार दिली असून, संबंधित तरुणावर गुन्हा दाखल केला आहे. हा प्रकार २४ मार्च रोजी रात्री उशीरा घडला आहे.फिर्यादीने दिलेल्या जबाबानुसार, फिर्यादीचे सारसबाग येथे पावभाजी स्टॉल असल्याची माहिती आहे. फिर्यादी या रात्री उशिरा घरी जात असताना संबंधित आरोपीने फिर्यादीचा पाठलाग करून घरापर्यंत आाला. फिर्यादी गाडी पार्क करत असताना फिर्यादीच्या मागून येत जोरात मिठी मारली, फिर्यादीच्या शर्टाचे बटन उघडून जबरदस्ती करण्याचा प्रयत्न केला. त्यानंतर फिर्यादीला जबरदस्तीने किस केलं, तू मूलगीच आहेस ना, असं म्हणत महिलेकडे शारीरिक सुखाची मागणी केली. तसंच माझ्याकडे हत्यारं आहे असं म्हणत तिला भिती घालून कोणाला काही सांगितलं तर जीवे मारण्याची धमकीही आरोपीने दिली.या घटनेनंतर फिर्यादी महिला अतिशय घाबरली होती. या घटनेचा मोठा धक्का दिला बसला. या घटनेनंतर चार दिवसांनी याबाबत सहकारनगर पोलीस ठाण्यात तक्रार देण्यात आली. तसंच आरोपीला ताब्यात घेण्याची प्रक्रिया सुरू आहे.