आजारी नातेवाईकांना भेटून परतीचा प्रवास, बाईकला पिकअपची धडक, वीटभट्टी कामगारांचा करुण अंत.

नातेवाईक आजारी असल्यानं पाहायला जात होते. त्यावेळी पिकअपने जोरदार धडक दिल्याने वीटभट्टी कामगारांचा करुण अंंत झाल्याची घटना बीडमध्ये घडली आहे.बीड जिल्ह्यातील कळंब-अंबाजोगाई महामार्गावर भीषण अपघाताची घटना घडली आहे. नातेवाईक आजारी असल्याने पाहायला गेलेल्या वीटभट्टी कामगारांचा अपघातात करुण अंत झाला. सावळेश्वर व औरंगपूर शिवाराच्या सीमेवर बुधवारी दुपारी ३:०० वाजण्याच्या दरम्यान भरधावं पिकअपने समोरून येणाऱ्या दुचाकीला जोराची धडक दिली. या अपघातात दुचाकीवरील दोन वीटभट्टी कामगार जागीच ठार झाले. सुभाष आश्रुबा मोहिते [५०] आणि सुनिल भीमराव पवार [४०, दोघेही रा बार्शी, ह. मु. सातेफळ, वीटभट्टी, अंबाजोगाई ] अशी मृतांची नावे आहेत.बार्शी येथील काही कामगार अंबाजोगाई तालुक्यातील सातेफळ येथील वीटभट्टीवर काम करतात. नातेवाईक आजारी असल्यामुळे येथील सुभाष आश्रुबा मोहिते आणि सुनिल भीमराव पवार हे दोन कामगार दुचाकीवरून [क्रमांक एम एच २५ / ए बी ४१९८] बार्शीला गेले होते. बुधवारी दोघेही परत सातेफळकडे निघाले.

यावेळी दुपारी ३:०० वाजण्याच्या दरम्यान सावळेश्वर व औरंगपूर शिवाराच्या सीमेवर त्यांच्या दुचाकीला समोरून येणाऱ्या भरधाव पिकअकने [ क्रमांक एमएच २० / जीसी २१०८] जोराची धडक दिली. यात दुचाकीवरील दोन्ही कामगारांचा मृत्यू झाला.घटनेची माहिती समजताच सहाय्यक पोलीस निरीक्षक मच्छिन्द्रनाथ शेंडगे, पोलीस कर्मचारी सीताराम डोंगरे, गणेश राऊत, महादेव केदार, रामनाथ वारे यांनी अपघातस्थळाला भेट देऊन पंचनामा केला. दोघांचेही मृतदेह अंबाजोगाई येथील ‘स्वाराती’ रुग्णालयात उत्तरीय तपासणीसाठी पाठविण्यात आले आहेत.नाशिक जिल्ह्यातील लोणारे कुटुंब तुळजापूरला दर्शनाला जात होते.

त्यादरम्यान पहाटे साडेतीन वाजण्याच्या सुमारास वाहन चालकाला डुलकी लागल्याने मारूती डिव्हाडरवर धडकल्याने दोघांचा मृत्यू झाला आहे. या भीषण अपघातात ८ जण जखमी झाले आहेत. ही घटना गेवराई जवळील रांजणी फाट्याजवळ असलेल्या पेट्रोल पंपाजवळ घडली. जखमींवर बीडच्या जिल्हा रुग्णालयात उपचार सुरू आहेत. जखमींमध्ये ३ लहान मुलांचा समावेश असल्याची माहिती आहे.अपघातात श्रावणी योगेश लोणारे (४), शंभू योगेश लोणारे (१.५), समर्थ योगेश लोणारे (१०), पुजा रामेश्वर लोणारे (२८), रामेश्वर पोपट लोणारे (३७), पुनम योगेश लोणारे (३७), ईश्वरी रामेश्वर लोणारे (५), दत्तात्रय सोमनाथ आडभाई (४५) हे आठ जण जखमी झाले. तर योगेश पोपट लोणारे (४०) यांचा जागीच मृत्यू झाला.