“आरोप निश्चिती करु नका” Santosh Deshmukh प्रकरणात आरोपींच्या वकिलांची कोर्टात मागणी.

 संपूर्ण महाराष्ट्राला हादरवून सोडणाऱ्या संतोष देशमुख हत्या प्रकरणाच्या सुनावणीचा आज(२६ मार्च) पहिला दिवस. बीडच्या मकोका कोर्टात सुरक्षेच्या कारणास्तव वाल्मिक कराडसह सातही आरोपींच्या व्हिडिओ कॉन्फरन्सिंगद्वारे उपस्थितीत सुनावणीला सुरुवात झाली. विशेष सरकारी वकिल उज्ज्वल निकम हे या सुनावणीला हजर होते. सुनावणीपूर्वी धनंजय देशमुख यांनी उज्ज्वल निकम यांची भेट घेत जवळपास अर्धातास चर्चा केली.संतोष देशमुख हत्या प्रकरणाची आजच्या दिवसाची सुनावणी आता संपली आहे. हे प्रकरण आरोप निश्चितीसाठी तयार असल्याचा युक्तिवाद अ‍ॅड. उज्ज्वल निकम यांनी केला. तर, या प्रकरणात योग्य ती कागदपत्र न मिळाल्याने आरोप निश्चिती करु नका अशी विनंती आरोपींच्या वकिलांनी केली आहे. सदर प्रकरणाची पुढील सुनावणी १० एप्रिलला होणार आहे.

संपूर्ण महाराष्ट्राला हादरवून सोडणाऱ्या संतोष देशमुख हत्या प्रकरणाच्या सुनावणीचा आज(२६ मार्च) पहिला दिवस. बीडच्या मकोका कोर्टात सुरक्षेच्या कारणास्तव वाल्मिक कराडसह सातही आरोपींच्या व्हिडिओ कॉन्फरन्सिंगद्वारे उपस्थितीत सुनावणीला सुरुवात झाली. विशेष सरकारी वकिल उज्ज्वल निकम हे या सुनावणीला हजर होते. सुनावणीपूर्वी धनंजय देशमुख यांनी उज्ज्वल निकम यांची भेट घेत जवळपास अर्धातास चर्चा केली.कोर्टात पोहोचल्यानंतर विशेष सरकारी वकील उज्वल निकम यांनी मा. न्यायालयासमोर खंडणी घटनाक्रम मांडला. जगमित्र कार्यालयात वाल्मिक कराडने खंडणी मागितल्याचे त्यांनी सांगितले. संतोष देशमुखांना कायमचा धडा शिकवा असे विष्णू चाटे म्हणाल्याचेही त्यांनी मा. न्यायालायाला सांगितले.नोव्हेंबर २०२४ च्या २९ तारखेला विष्णू चाटेच्या ऑफिसमध्ये बैठक झाली होती. या बैठकीत सगळे आरोपी हजर होते असल्याचे निकम यांनी सांगितले. त्यानंतर ८ डिसेंबर रोजी नांदूर फाटा येथील हॉटेल तिरंगावर विष्णू चाटे सुदर्शन घुले यांची बैठक झाली. संतोष देशमुख खंडणी प्रकरणात आडवे येत आहेत अशी चर्चा या बैठकीत झाली. यावर ‘त्याला कायमचा धडा शिकवा’, असे विष्णू चाटे म्हणाल्याचे उज्ज्वल निकम यांनी न्यायालयात सांगितले.