“संजय राऊतांनी त्यांच्या आईच्या डोक्यावरती हात ठेवून शपथ घ्यावी अन् सांगावं की….”

 ठाकरे गटाला आगामी स्थानिक स्वराज्य निवडणुकांआधी मोठे धक्के बसत आहेत. अनेक नेते, शाखाप्रमुख व पदाधिकारी शिंदे गटात प्रवेश करत आहेत. अशातच संजय राऊत यांच्यावर उमेदवारी विकल्याचे गंभीर आरोप केले आहेत.आगामी स्थानिक स्वराज्य संस्थांच्या निवडणुका तोंडावर असताना ठाकरे गटाला धक्क्यावर धक्के बसताना दिसत आहे. राज्यात अनेक ठिकाणी ठाकरे गटाला गळती लागली असून नेते, शाखाप्रमुख आणि पदाधिकारी जय महाराष्ट्र करताना दिसत आहे. दुसरीकडे एकनाथ शिंदे यांचे ऑपरेशन टायगर जोरदार सुरु असल्याचं दिसत आहे. अशातच ठाकरे गटाला रामराम करत शिंदे गटात जाणाऱ्या शिवसैनिकांनी संजय राऊत यांच्यावर गंभीर आरोप केला आहे.महाविकास आघाडीला लोकसभा निवडणुकीत मिळालेल्या यशानंतर विधानसभा निवडणुकीत शिवसेना ठाकरे गटाचे खासदार संजय राऊत यांनी अनेक ठिकाणी शिवसेनेची उमेदवारी विकली असा आरोप नगर शहर आणि तालुक्यातील शिवसैनिकांनी केला आहे.

त्यात प्रामुख्याने पारनेर आणि श्रीगोंदा विधानसभा मतदार संघातील उमेदवारी विकल्याचा आरोप करत हे शिवसैनिकांनी नाराजी व्यक्त केली आहे. जर त्यांनी उमेदवारी विकली नाही असं त्यांना वाटत असेल तर त्यांनी त्यांच्या आईच्या डोक्यावरती हात ठेवून शपथ घ्यावी असं आव्हानच कडवट शिवसैनिकांनी दिले आहे.अहिल्यानगर शहर आणि तालुक्यातील शिवसेना उद्धव ठाकरे गटाचे शेकडो कार्यकर्ते आणि पदाधिकारी आज सायंकाळी सात वाजता मुंबई येथे शिवसेना शिंदे गटात प्रवेश करणार आहेत. शेकडोच्या संख्येने कार्यकर्ते मुंबईकडे रवाना झालेत अहिल्यानगर शहरातील छत्रपती शिवाजी महाराजांच्या पुतळ्यास अभिवादन करून या कार्यकर्त्यांनी मुंबईकडे कूच केली आहे. दरम्यान येऊ घातलेल्या स्थानिक स्वराज्य संस्थांच्या निवडणुकांमध्ये याचा फटका शिवसेना ठाकरे गटाला बसणार आहे.कसबा विधानसभा मतदारसंघातील महिला आघाडी तसेच पुण्यातील अनेक शाखा प्रमुख आणि शिवसैनिक करणार शिवसेनेत प्रवेश शिंदे यांच्या उपस्थितीत प्रवेश करणार आहेत. त्यासोबतच शिवसेनेचे उपशहर प्रमुख बाळासाहेब मालुसरे देखील करणार शिंदे गटात प्रवेश करणार आहेत. नीलम गोऱ्हे यांच्या पुढाकाराने कसबा विधानसभा मतदारसंघातील महिला आघाडीही आता शिंदे गटामध्ये येणार आहे. डॅमेल कंट्रोल करण्यासाठी उद्धव ठाकरे यांना लवकरात लवकर हालचाली कराव्या लागणार आहेत.