खोक्याला बीड कारागृहाबाहेर व्हीआयपी ट्रीटमेंट, दोघा पोलीस कर्मचाऱ्यांचे तडकाफडकी निलंबन.

सतीश भोसले उर्फ खोक्या याला शिरुर न्यायालयाने १४ दिवसांची न्यायालयीन कोठडी सुनावली होती. कोठडी सुनावल्यानंतर कारागृहात जाण्यापूर्वीच त्याला व्हीआयपी ट्रीटमेंट मिळत असल्याचा कथित व्हिडिओ वायरल झाला.बीड जिल्हा कारागृहाच्या बाहेर सतीश भोसले (Satish Bhosale) उर्फ खोक्या भाई याला व्हीआयपी ट्रीटमेंट दिल्या प्रकरणी दोन पोलीस कर्मचाऱ्यांचे तडकाफडकी निलंबन करण्यात आले आहे. त्याबरोबरच ठाणेदारांना कारणे दाखवा नोटीस बजावण्यात आली आहे. दोघा कर्मचाऱ्यांसह इतर अधिकारी दोषी (Beed Crime) असतील, तर त्यांच्यावर देखील कारवाई करण्याचा इशारा देण्यात आला आहे. सतीश भोसले हा भाजप आमदार सुरेश धस यांचा कार्यकर्ता आहे.

सतीश भोसले उर्फ खोक्या याला शिरुर न्यायालयाने १४ दिवसांची न्यायालयीन कोठडी सुनावली होती. कोठडी सुनावल्यानंतर कारागृहात जाण्यापूर्वीच त्याला व्हीआयपी ट्रीटमेंट मिळत असल्याचा कथित व्हिडिओ वायरल झाला होता. याच घटनेची गंभीर दखल पोलिसांनी घेत विनोद सुरवसे आणि कैलास खटाणे या दोघा कर्मचाऱ्यांचे निलंबन करण्यात आले आहे. यात आणखी अधिकारी, कर्मचारी दोषी असल्यास त्यांच्या विरोधात देखील कारवाईचा इशारा वरिष्ठ पोलिसांनी दिला आहे.बीड पोलिसांकडून खोक्या उर्फ सतीश भोसले याचा शाही थाट राखला जात असल्याचा आरोप आहे. पोलिस कर्मचाऱ्यांच्या उपस्थितीत आणि कार्यकर्त्यांच्या गराड्यात खोक्या जेवणावर ताव मारत असल्याचा व्हिडिओ सोशल मीडियावर व्हायरल झाला होता. इतकंच नाही तर पोलिस कर्मचारी आणि खोक्याच्या कार्यकर्त्यांमध्ये गप्पाही रंगल्या होत्या. चित्रित करण्यात आलेला व्हिडिओ सोमवार २४ मार्च रोजी दुपारचा असल्याचे सांगितले जाते. या व्हिडिओत खोक्या बिर्याणीवर ताव मारताना दिसतो. इतकंच नाही तर, निर्धास्तपणे मोबाईल फोनवर बोलत असल्याचे देखील दिसते. खोक्यासारख्या अट्टल गुन्हेगाराची बीड पोलिसांकडून बडदास्त राखली जात असल्याने पोलीस दलाभोवती संशयाचे वलय निर्माण झाले होते.दुसरीकडे, बीडचे जिल्हा शल्यचिकित्सक डॉक्टर अशोक थोरात यांचे निलंबन करण्यात आले आहे. कोविड काळात डॉक्टरांनी घोटाळा केल्याचा आरोप करत भाजप आमदार नमिता मुंदडा यांनी विधिमंडळाच्या अर्थसंकल्पीय अधिवेशनात लक्षवेधी मांडली होती. या प्रश्नावर उत्तर देताना आरोग्य मंत्री प्रकाश आबिटकर यांनी विधिमंडळात घोषणा केली. विभागीय चौकशी तीन महिन्यात पूर्ण केली जाईल. कोविड काळात बीड जिल्ह्यामध्ये मोठ्या प्रमाणात घोटाळा केला त्यात दोषी आढळले, कारवाई करण्याऐवजी नाशिकला बदली केली, असा नमिता मुंदडा यांचा गंभीर आरोप आ