खाजगी गाडीवर लाल दिवा, अंगावर शासकीय गणवेश, तोतया पोलिस आणि सेवानिवृत्त जवानाचा कारनामा उघड.

राज्य उत्पादन शुल्क विभागाकडून मिळालेल्या माहितीनुसार, जिल्ह्यात चंदगड मार्गे गोवा बनावटीच्या दारूची चोरून वाहतूक होत असल्याची माहिती राज्य उत्पादन शुल्क विभागाला मिळाली होती. त्यानुसार रविवारी रात्री सव्वा तीनच्या सुमारास नेसरी गडहिंग्लज रोडवर महागावजवळ राज्य उत्पादन शुल्क विभागाच्या भरारी पथकाने सापळा रचला.आजपर्यंत आपण एखाद्या चित्रपटामध्ये गुन्हेगार पोलिसांचा गणवेश घालून पोलिसांच्या हातावर तुरी देत चोरी केल्याचं पाहिलं आहात. ही गोष्ट तर काल्पनिक असते. मात्र हाच प्रकार प्रत्यक्षात घडलाय ते ही कोल्हापुरात. एखाद्या मोठ्या अधिकाऱ्याकडे असते तशी आलिशान कार आणि त्या कारला अंबर दिवा लावून राज्य उत्पादन शुल्क विभागाच्या कर्मचाऱ्याच्या शासकीय गणवेशात हुबेहूब तयार होऊन, गोवा बनावटीच्या दारूची तस्करी करणाऱ्या कर्मचाऱ्याला आणि सैन्य दलातील सेवानिवृत्त जवानास राज्य उत्पादन शुल्क विभागाच्या भरारी पथकाने सापळा रचून अटक केली. रविवारी मध्यरात्री नेसरी गडहिंग्लज मार्गावर महागाव जवळ ही कारवाई करण्यात आली.

राज्य उत्पादन शुल्क विभागाकडून मिळालेल्या माहितीनुसार, जिल्ह्यात चंदगड मार्गे गोवा बनावटीच्या दारूची चोरून वाहतूक होत असल्याची माहिती राज्य उत्पादन शुल्क विभागाला मिळाली होती. त्यानुसार रविवारी रात्री सव्वा तीनच्या सुमारास नेसरी गडहिंग्लज रोडवर महागावजवळ राज्य उत्पादन शुल्क विभागाच्या भरारी पथकाने सापळा रचला. यावेळी एक स्विफ्ट डिझायर गाडी क्रमांक एम एच 12 एच एफ 8354 ही गाडी आणि सोबत टोयोटा कंपनीची आलिशान गाडी क्रमांक एम एच 09 एफ जे 7374 या वाहनावर शासकीय लालबत्तीचा दिवा लावून येत असलेली पोलिसांना निदर्शनास आली. यावेळी टोयोटा वाहन रोखून चौकशी केली असता यावेळी नितीन दिलीप ढेरे (वय 33, रा. जाधववाडी, कोल्हापूर) हा तोतया शासकीय कर्मचारी होऊन खाकी गणवेश घालून बसल्याचं समोर आलं. तसेच स्विफ्ट गाडी मधील शिवाजी आनंदा धायगुडे (57, रा. अंदोरी, ता. खंडाळा, जि. सातारा) हा सेवानिवृत्त जवान असल्याची माहिती सांगितली.

यावेळी पोलिसांना संशय बळावल्याने त्यांनी दोन्ही चारचाकी वाहनांची तपासणी केली असता, गाडीमध्ये 2 लाख 50 हजार किमतीचे गोवा बनावटीचे विविध विदेशी ब्रँड दारूचे 36 बॉक्स पोलिसांना मिळून आले. अवैध पद्धतीने दारूची राज्य उत्पादन शुल्क विभागाच्या भरारी पथकाने चार चाकी सह एकूण 27 लाख 73 हजार 520 रुपयाचा मुद्देमाल जप्त करत, महाराष्ट्र मद्य निषेध अधिनियम 1949 नुसार दोघांवर हे गुन्हा दाखल केला आहे. दरम्यान या गुन्ह्यात आणखी काही संशयित समाविष्ट असल्याचा संशय पोलिसांनी व्यक्त केला. हा दारूचा साठा कोठून आणि कोणाकडून आणण्यात आला यामध्ये आणखी कोणाचा सहभाग आहे याची तपासणी राज्य उत्पादन शुल्क विभागाचे पोलीस सध्या करत आहेत.