वाघाच्या हल्ल्यात महिला ठार; मोहफुल वेचायला गेली असताना घडली घटना, परिसरात घबराट.

शिवराम टोला येथील महिला मोहफुले वेचण्यासाठी जंगलात गेल्या होत्या. ही फुले वेचत असताना दबा धरून बसलेल्या वाघाने त्यांच्यावर अचानक हल्ला केला.मोहफुले वेचायला जंगलात गेलेल्या महिलेवर वाघाने हल्ला करून ठार मारले. ही घटना अर्जुनी-मोरगाव तालुक्यातील शिवराम टोलाच्या जंगलात रविवारी सकाळच्या सुमारास घडली. हल्ल्यानंतर वाघ बराच वेळ मृतदेहाजवळ बसून होता.अनुसया धानू कोल्हे (४५) असे मृत महिलेचे नाव आहे. शिवराम टोला येथील महिला मोहफुले वेचण्यासाठी जंगलात गेल्या होत्या. ही फुले वेचत असताना दबा धरून बसलेल्या वाघाने त्यांच्यावर अचानक हल्ला केला. हे पाहताच अन्य महिला जीवाच्या आकांताने पळाल्या. मात्र अनुसया या वाघाच्या हल्ल्यात सापडल्याने त्यांचा जागीच मृत्यू झाला.

घटनेची माहिती मिळताच गोठणगाव वनविभागाचे अधिकारी, कर्मचारी आणि गावकऱ्यांनी घटनास्थळी गर्दी केली होती.या घटनेनंतर गावात दहशत पसरली आहे. गोठणगाव वनविभागाने नागरिकांना जंगलात एकटे न जाण्याचे आवाहन केले आहे. वनविभागाकडून पीडित कुटुंबाला मदतीसाठी आवश्यक उपाययोजना केल्या जात आहेत. परिसरात वाघाचा वावर लक्षात घेऊन सुरक्षेच्या दृष्टीने उपाययोजना आखण्यात येत आहेत.

मध्यंतरी वनविभागातील वनपरिक्षेत्र अधिकारी यांनी गोंदिया जिल्ह्यातील ग्रामीण भागातील जनतेला सध्याच्या हंगामात पहाटेच्या सुमारास मोहफुल वेचण्यासाठी जंगल परिसरात जाण्यास मनाई करणारे आदेश दिले होते. पण, मोहफुल रात्री गळून पडत असल्याने गावकरी पहाटेच मोहफुल वेचणीसाठी जातात. या घटनेनंतर गावकऱ्यांनी सुरक्षेचा उपाय म्हणून पहाटे जंगलात जाणे टाळावे, असे आवाहन नवेगावबांधचे वनपरिक्षेत्र अधिकारी दिलीप पवार