पुण्यात कंटेनरला धडकून स्विफ्टचा चक्काचूर, बापलेकीसह मामाचा जागीच मृत्यू, आई गंभीर.

अपघातात मृत्युमुखी पडलेल्या प्रवाशांमध्ये बाप लेकीचा समावेश असल्याचे समोर येत आहे. तर तिसरी व्यक्ती हा मुलीचा मामा होता. न्हावरे-शिक्रापूर राष्ट्रीय महामार्गावर कंटनेर आणि स्विफ्ट गाडी यांची समोरासमोर धडक  झाली. या भीषण अपघातात तिघा जणांचा जागीच मृत्यू झाल्याची दुर्दैवी घटना समोर आली आहे. पुणे जिल्ह्यातील शिरुर तालुक्यात न्हावरे येथे हा अपघात झाला. रविवारी रात्री साडेसात वाजण्याच्या सुमारास कंटनेर आणि स्विफ्ट कार यांची समोरासमोर भीषण धडक  झाली. अपघातात मृत्युमुखी पडलेल्या प्रवाशांमध्ये बाप लेकीचा समावेश असल्याचे समोर येत आहे. तर तिसरी व्यक्ती हा मुलीचा मामा होता.कैलास उर्फ दादा कृष्णाजी गायकवाड (वय ५० वर्ष), गौरी कैलास गायकवाड (वय १८ वर्ष) आणि गणेश महादेव निर्लेकर (वय २५ वर्ष) अशी आहेत. मुलीची आई दुर्गा कैलास गायकवाड (वय ४५) ही गंभीर जखमी झाली आहे.

अपघातानंतर कंटेनर चालक घटनास्थळावरुन फरार झाला आहे. त्याच्यावर गुन्हा दाखल करण्यात आला आहे. या प्रकरणी पोलिसांकडून अधिक तपास करण्याचे काम सुरु आहे.याबाबत मिळाललेली माहिती अशी की, कैलास गायकवाड हे आपल्या चारचाकी वाहनातून या ठिकाणी येत होते. त्यांच्या स्विफ्ट गाडीला कंटनेरने जोरदार धडक दिली. या अपघातात कैलास गायकवाड व त्यांची मुलगी गौरी गायकवाड तसेच जवळचे नातलग गणेश निर्लेकर जागीच ठार झाले, तर कैलास गायकवाड यांच्या पत्नी दुर्गा कैलास गायकवाड गंभीर जखमी झाल्या आहेत.

रात्रीच्या वेळी वाघोली गावावरून आपल्या घरी येत असताना ही घटना घडली असल्याची प्राथमिक माहिती समोर आली आहे.एकाच कुटुंबातील तिघांच्या भीषण अपघाती निधनामुळे परिसरात हळहळ व्यक्त केली जात आहे. घटनेचा पुढील शिरूर पोलीस करत आहेत. मृतांचे शवविच्छेद करण्यासाठी न्हावरे येथील ग्रामीण रुग्णालयात दाखल करण्यात आले. तर जखमी महिलेवर खासगी रुग्णालयात उपचार सुरू आहेत. या घटनेने शिरूर तालुक्यावर शोककळा पसरली आहे.