Rajendra Nikam
चंद्रपूरात मोठ्या प्रणात अमंली पदार्थाची अवैध विक्री केली जात आहे. तरुण,अल्पवयीन मुले व्यसनाचा आहारी गेल्याचे भीतीदायक चित्र जिल्हात निर्माण झाले आहे.अश्यात गांजा विक्री करणाऱ्याला अटक करण्यात पोलिसांना यश आले आहे. काळ्या सोन्याची खाण असलेल्या चंद्रपूर शहराला ब्लॅकसीटी म्हटलं जातं. कोळश्यासाठी जगभरात हे शहर प्रसिध्द आहे.या शहराची आणि जिल्हाची नवी ओळख आता पुढे येत आहे. जिल्हात रोज घडणारे क्राईम बघता जिल्हा हळूहळू गुन्हेगारांचे माहेर घर होत होत चालले आहे. भरदिवसा एका तरुणाची हत्या झाल्याच्या घटनेला चोवीस तास उलटले नसताना गांजा विक्री करणा-या अट्टल गुन्हेगाराकडून लाखोचा गांजा जप्त करण्यात स्थानिक गुन्हे शाखेला यश आले आहे.
जिल्हात एकीकडे हत्या, दरोडे,जुगार, चोरीचा घटनेत वाढ झालेली असताना अमली पदार्थाची मोठ्या प्रमाणात येथे विक्री सुरु आहे. तरुण,अल्पवयीन मुले व्यसनाचा आहारी गेल्याचे भीतीदायक चित्र जिल्हात निर्माण झाले आहे. दरम्यान याबाबत पोलिसांनी कठोर कारवाई करत गांजा विक्री करणाऱ्यावर अटक केली आहे.माहितीनुसार,बल्लारशाह शहरातील सरदार पटेल वार्ड येथील लालचंद केसकर हा गांजा आणि अंमली पदार्थाचा व्यवसायीक आहे.तो बल्लारपुर येथुन चंद्रपुर येथे गांजा विक्री करीत असतो.आज ( शुक्रवार )आपल्या दुचाकीच्या डीक्कीत गांजा घेऊन तो चंद्रपूरकडे निघाला होता. याची माहिती पोलिसांना मिळाली.पोलिसांनी बल्लारशा- चंद्रपूर मार्गांवरील चुनाभट्टी बसस्टॉप येथे सापळा रचला.लालचंद केसकर दुचाकीने आला असता पोलिसांनी त्याची दुचाकी अडविली.दुचाकीची तपासणी केली असता दुचाकीचा डिक्कीत पाच किलो ४७८ ग्रॅम हिरवे कॅनाबिस गांजा वनस्पतीची पाने/फुले/बिया (गांजा) आढळून आल्यात.पोलिसांनी त्याच्याकडून एक लाख ८२ हजाराचा मुद्देमाल जप्त केला आहे.गुंगीकारक औषधी द्रव्ये व मनावर परिणाम करणारे पदार्थ अधिनियम (N.D.P.S.Act) १९८५ मधील कलम ८ (क), २० (ब) (ii) (ब) कायद्या अंतर्गत त्याला अटक करण्यात आली आहे.या कारवाईनंतर पोलिस प्रशासनाने जिल्हातील इतर अवैध अंमली पदार्थ विक्रेत्यांवर अशाच प्रकारची धडक कारवाई करून त्यांना अटक करावी अशी मागणी स्थानिकांकडून करण्यात येत आहे. दरम्यान या प्रकरणाचा पुढील तपास बल्लारशाह पोलीस करीत आहे.
