११ टक्के परताव्याचं आमिष, लोकांनी लाखो गुंतवले अन् टोरेसचं ऑफिस रातोरात बंद

संशयास्पद गुंतवणूक योजनेतून फसवणूक झालेल्या शेकडो गुंतवणूकदारांनी सोमवारी दादर, नवी मुंबई आणि मीरा रोड येथील टॉरेस ज्वेलरीच्या कार्यालयाबाहेर निदर्शने केली गुंतवणूक योजनेतून फसवणूक झालेल्या शेकडो गुंतवणूकदारांनी सोमवारी दादर, नवी मुंबई आणि मीरा रोड येथील टॉरेस ज्वेलरीच्या कार्यालयाबाहेर निदर्शने केली. दर आठवड्याला ११ टक्क्यांपर्यंत परताव्याच्या ऑफरसह हजारो लोकांना आमिष दाखवल्यानंतर अचानक पेआऊट बंद केल्याचा दावा गुंतवणूकदारांनी केला आहे.

संशयास्पद पॉन्झी योजनेतून फसवणूक झालेल्या शेकडो गुंतवणूकदारांनी सोमवारी दादर, नवी मुंबई आणि मीरा रोड येथील टॉरेस ज्वेलरीच्या कार्यालयाबाहेर निदर्शने केली. कंपनीने हजारो जणांना दर साप्ताहिक ११ टक्क्यांपर्यंत ऑनलाइन रिटर्न्स सोबतच आकर्षक बक्षिसं आणि रेफरल्ससाठी २०% बोनस ऑफरचे आमिष दाखवले आणि नंतर अचानक पेआऊट बंद केल्याचे गुंतवणूकदारांनी सांगितले.

टॉरेस ब्रँड ही प्लॅटिनम हर्न प्रायव्हेट लिमिटेड चालवत असल्याने शिवाजी पार्क पोलिसांनी त्यांचे संचालक सर्वेश सुर्वे आणि व्हिक्टोरिया कोव्हलेन्को, सीईओ तौफिक रियाझ उर्फ जॉन कार्टर, महाव्यवस्थापक तानिया कास्तोवा आणि स्टोअर मॅनेजर व्हॅलेंटिना कुमार यांच्याविरुद्ध फसवणूक आणि एकूण १३.५५ कोटी रुपयांच्या निधीचा गैरवापर केल्याप्रकरणी प्रदीपकुमार वैश्य (३१) या भाजी विक्रेत्याच्या तक्रारीवरून एफआयआर नोंदवण्यात आला आहे. हे प्रकरण आर्थिक गुन्हे शाखेकडे वर्ग करण्यात येणार असल्याचे पोलिसांनी सांगितले.प्रदीपकुमार वैश्यने दावा केला की, २१ जून ते ३० डिसेंबर २०२४ दरम्यान आरोपींनी त्याच्यासह इतर अनेकांना आकर्षक परताव्याच्या आश्वासनासह मोजोनाइट स्टोनमध्ये गुंतवणूक करण्याचे प्रलोभन दाखवले.

सुरुवातीचे पैसे दिले असताना, ३० डिसेंबरनंतर त्यांना पैसे मिळाले नाहीत. आरोपी देश सोडून पळून गेल्याचा दावा गुंतवणूकदारांनी केला आहे. ‘व्हायरल ऑडिओ मेसेजमध्ये एका अज्ञात व्यक्तीने आमचे पैसे सुरक्षित असल्याचे आश्वासन दिले आहे, परंतु आम्हाला खात्री नाही’ असे एका आंदोलकाने सांगितले. टाइम्स ऑफ इंडियाने टॉरेसच्या नंबरवर कॉल केला, परंतु प्रतिसाद मिळाला नाही.