निर्दयीपणे संपवलं, हाता-पायाची दोन बोटं कापली; लेकाची बॉडी पाहून आईचा मन हेलावणारा आक्रोश

 एक चिमुकला खेळता खेळता अचानक गायब झाला. दुसऱ्या दिवशी त्याचा मृतदेह आढळून आला. या चिमुकल्याच गळा चिरण्यात आला होता. तसेच, त्याच्या हाता आणि पायाची देन बोटंही कापण्यात आली होती.एका ६ वर्षाच्या चिमुकल्या मुलाची निर्घृण हत्या करण्यात आल्याची धक्कादायक घटना समोर आली आहे. या चिमुकल्याला अत्यंत निर्घृणपणे मारण्यात आलं आहे. आधी गळा आवळण्यात आला मग त्याचा गळा कापला. इतकंच नाही तर एका हाताची आणि एका पायाची प्रत्येकी दोन बोटंही कापली आहेत. बिहारच्या नालंदा येथे ही अगावर काटा आणणारी घटना घडली आहे. हे प्रकरण नालंदाच्या नूरसरायच्या डोईया गावातले आहे. परिसरातील मोबाईल टॉवरजवळील भाताच्या ढिगाऱ्यात या चिमुकल्याचा मृतदेह आढळून आला होता.

मृत दीपांशु पासवान याचे वडील सोनू पासवान यांनी सांगितले की, दीपांशु रविवारी दुपारी खेळण्यासाठी घरातून निघाले होता. संध्याकाळी थंडी वाढली त्यामुळे दीपांशूची आई स्वेटर घालायचं म्हणून त्याला शोधू लागली. संध्याकाळची रात्र झाली तरी दीपांशू सापडला नव्हता.आपल्या मुलासोबत काही अनुचित प्रकार घडला असावा, अशी भीती कुटुंबीयांना सतत वाटत होती. म्हणून ते पुन्हा त्याचा शोध घ्यायला निघाले. दरम्यान, दुसऱ्या दिवशी (सोमवारी) सायंकाळी गावापासून काही अंतरावर असलेल्या टॉवरजवळील पेंढ्याच्या ढिगाऱ्यात मुलाचा मृतदेह आढळून आला.

तेव्हा घटनास्थळी गावातील इतर मुले खेळत होती.दिपांशूचा मृतदेह सापडल्यानंतर पोलिसांना याबाबतची माहिती देण्यात आली. पोलिस चौकशीत दीपांशुच्या वडिलांनी गावात कोणाशी कोणत्याही प्रकारचा वाद असल्याचे नाकारले.याप्रकरणी पोलिसांनी एका संशयिताला ताब्यात घेतले असून, त्याची चौकशी सुरू आहे, अशी माहिती आहे. या प्रकरणाचा तपास करण्यासाठी एफएसएल आणि श्वान पथक घटनास्थळी पोहोचले असून ते या घटनेचा तपास करत आहेत. एसपी भरत सोनी यांनी दिलेल्या माहितीनुसार, मूल बेपत्ता असल्याची माहिती मिळाली होती. या प्रकरणाचा तपास केला जात आहे. शवविच्छेदन अहवाल आल्यानंतरच खुनाचा उलगडा होणार आहे.