Rajendra Nikam
सातारा शहरातील मंगलमूर्ती हॉस्पिटलमध्ये रुग्णालय व्यवस्थापनाच्या व डॉक्टरांच्या हलगर्जीपणामुळे एका रुग्णाचा मृत्यू झाला आहे.सातारा शहरातील मंगलमूर्ती हॉस्पिटलमध्ये रुग्णालय व्यवस्थापनाच्या व डॉक्टरांच्या हलगर्जीपणामुळे एका रुग्णाचा मृत्यू झाला आहे. दरम्यान यामुळे मयत रुग्णाचे नातेवाईक आक्रमक झाले आहेत. डॉक्टरांच्या गलथान कारभारामुळेच मृत्यू झाल्याचा आरोप करत नातेवाईकांनी हॉस्पिटलच्या चेअरमनवर व व्यवस्थापनावर गुन्हा दाखल करण्याची मागणी केली आहे. यामुळे वैद्यकीय क्षेत्रात खळबळ उडाली आहे.
अक्षय अशोक नलावडे (वय २८) अस मृत तरुणाचे नाव असून तो मंगळवार पेठ येथे वास्तव्यास होता. अक्षयला २७ डिसेंबरला छातीत दुखू लागल्याने रुग्णालयात दाखल केले होते. मंगलमूर्ती हॉस्पिटलमधील डॉ. भूषण पाटील हे त्यांच्यावर उपचार करत होते. अक्षयच्या तब्येतीत सुधारणा झाली होती. त्यामुळे त्याला बुधवारी रुग्णालयातून डिस्चार्ज देण्यात आला होता. मात्र, आज सकाळी पुन्हा त्याच्या छातीत दुखू लागल्याने त्याला हॉस्पिटलमध्ये दाखल केले होते. मात्र, डॉक्टरांनी अक्षयवर वेळेत उपचार न केल्यामुळे त्याचा मृत्यू झाला. मात्र, डॉक्टरांच्या हलगर्जीपणामुळे व रुग्णालयाच्या गलथान कारभारामुळे त्यांचा मृत्यू झाल्याचा नातेवाईकांचा आरोप आहे. पोलिसांनी घटनेचे गांभीर्य ओळखून संबंधितांवर तात्काळ सदोष मनुष्यवधाचा गुन्हा दाखल करावा, अशी मागणी करत नातेवाईक आक्रमक झाले आणि रुग्णालसमोर ठिय्या मांडला.याप्रकरणी सातारा शहर पोलिसांनी मंगलमूर्ती हॉस्पिटलच्या डॉक्टरला अटक केली आहे. त्यानंतर सकाळपासून सुरू असलेले ठिय्या आंदोलन मागे घेतले असले, तरी हॉस्पिटल परिसरात तणावपूर्ण वातावरण आहे.
