माझ्या बहिणीची प्रकृती चांगली होती; प्रसूतीदरम्यान महिला व अर्भकाचा मृत्यू,

विक्रमगड तालुक्यातील गालतारे येथील या गर्भवती महिलेला प्रसूतीसाठी जव्हार उपजिल्हा रुग्णालयात मंगळवारी सायंकाळी दाखल करण्यात आले होते. विक्रमगड ग्रामीण रुग्णालयात ती उपचार घेत होती. परंतु येथे पुरेशा सुविधा नसल्याने तुम्ही त्यांना जव्हारच्या रुग्णालयात न्या, असे सांगण्यात आले. या महिलेची ही तिसरी प्रसूती होती. मोखाडा तालुक्याची मातामृत्यूची घटना ताजी असताना जव्हार कुटीर रुग्णालयात प्रसूतीदरम्यान एका महिलेचा व अर्भकाचा मृत्यू झाल्याची घटना जव्हारच्या उपजिल्हा रुग्णालयात मंगळवारी रात्री घडली. तिची प्रकृती चांगली होती. तिचा अचानक तिचा मृत्यू कसा झाला, अशी विचारणा करत तिच्या कुटुंबीयांनी सखोल चौकशीची मागणी केली. कुंता वैभव पडवळे (३१) असे या मृत महिलेचे नाव आहे. विक्रमगड तालुक्यातील गालतारे येथील या गर्भवती महिलेला प्रसूतीसाठी जव्हार उपजिल्हा रुग्णालयात मंगळवारी सायंकाळी दाखल करण्यात आले होते. विक्रमगड ग्रामीण रुग्णालयात ती उपचार घेत होती. परंतु येथे पुरेशा सुविधा नसल्याने तुम्ही त्यांना जव्हारच्या रुग्णालयात न्या, असे सांगण्यात आले. या महिलेची ही तिसरी प्रसूती होती.

रात्री १२ वाजण्याच्या सुमारास तिला प्रसूतीकळा सुरू झाल्या, तिला प्रसूतीगृहात दाखल करण्यात आले, यावेळी स्त्रीरोगतज्ज्ञ डॉ. आशीष सोनवणे यांनी तिची प्रसूती केली. मात्र काही वेळातच तिची हृदयक्रिया थांबली व तिचा मृत्यू झाला. या दरम्यान नवजात अर्भकाचाही मृत्यू झाला. ‘माझ्या बहिणीची प्रकृती चांगली होती. येथे दाखल केल्यानंतर अवघ्या १० मिनिटांत तिचा मृत्यू झाला. येथे शिकाऊ डॉक्टर भरती केले आहेत. याबाबत सखोल चौकशी करून दोषींवर कठोर कारवाई करावी,’ अशी मागणी मृत महिलेचा भाऊ अंकुश अतकारी यांनी केली. रिक्त पदांमुळे आरोग्य यंत्रणा ढिसाळी झाली असून आदिवासी भागात अनेक मातारुग्णांचा उपचाराअभावी मृत्यू झाला आहे.
 ही महिला प्रसूतीवेळी ठीक होती. मात्र तिला अचानक हृदयविकाराचा तीव्र धक्का बसला व प्रसूतीदरम्यानच तिचा मृत्यू झाला. आम्ही बाळाला वाचविण्याचाही खूप प्रयत्न केला. याबाबत शविच्छेदनानंतर खरे कारण कळेल, असे वैद्यकीय अधीक्षक भरत महाले यांनी सांगितले.