क्षुल्लक वादाचे निमित्त झाले, आई आणि ४ बहिणींना मुलानेच यमसदनी धाडले

नवीन वर्षाच्या पहिल्याच दिवशी एक धक्कादायक घटना घडली आहे. लखनऊमधील एका हॉटेलमध्ये ५ जणांची हत्या करण्यात आली आहे. मृतांमध्ये ४ मुली आणि त्यांच्या आईचा समावेश आहे. याप्रकरणी पोलिसांनी आरोपी मुलाला अटक केली आहे. नवीन वर्षाच्या पहिल्याच दिवशी एक धक्कादायक घटना घडली आहे. लखनऊमधील एका हॉटेलमध्ये ५ जणांची हत्या करण्यात आली आहे. मृतांमध्ये ४ मुली आणि त्यांच्या आईचा समावेश आहे. याप्रकरणी पोलिसांनी आरोपी मुलाला अटक केली आहे. अर्शद असे आरोपीचे नाव असून त्याचे वय सुमारे २४ वर्षे आहे. कौटुंबिक वादातून ही हत्या झाल्याचे समोर आले आहे. नवीन वर्षाच्या आगमनासाठी संपूर्ण जग सज्ज असताना एक २४ वर्षीय मुलगा आपल्या कुटुंबाचा काळ बनला. शुल्लक कारणावरुन त्याने आपल्या बहिणी आणि आईला यमसदनी धाडले. हि धक्कादायक घटना लखनऊ येथे घडली आहे.

पोलिसांनी दिलेल्या माहितीनुसार, आरोपी अर्शदने धारदार ब्लेडने या पाचही जणांची हत्या केली. पोलिसांनी चौकशी केली असता चौकशीदरम्यान अर्शदने वारंवार आपले म्हणणे बदलण्यास सुरुवात केली. पोलिसांनी जरा कठोरता दाखवली असता त्याने गुन्ह्याची कबुली दिली. हे कुटुंब ३० डिसेंबरला लखनऊला फिरण्यासाठी आले होते, असेही समोर आले आहे. हे खून वडिलांनीच केले होते आणि तो कसा तरी वाचला असे अर्शदने सांगितले आहे. हत्येनंतर वडील घटनास्थळावरून पळून गेले. वडीलही आत्महत्या करू शकतात, अशी भीती अर्शदने पोलिसांसमोर व्यक्त केली. नाका परिसरातील हॉटेल शरणजीतमध्ये हे लोक थांबले होते. घटनेची माहिती मिळताच पोलिसांनी तत्काळ घटनास्थळ गाठून आवश्यक कारवाई सुरू केली. आलिया (९), अलशिया (१९), अक्सा (१६), रहमीन (१८) आणि अस्मा अशी मृत्यू झालेल्यांची नावे आहेत. अस्मा या मुलांच्या आईचे नाव आहे. कौटुंबिक वादातून आरोपी अर्शदने ही हत्या केल्याचे पोलिसांनी या प्रकरणी सांगितले. या प्रकरणाचा अधिक तपास सुरू आहे. पोलिसांनी मृतदेह ताब्यात घेतले आणि ते पोस्टमॉर्टमसाठी पाठवण्यात आले. अर्शद असे आरोपीचे नाव असून त्याच्या वडिलांचे नाव बदर आहे जे फरार आहेत. तो इस्लाम नगर, तेधी बगिया, कुबेरपूर, आग्रा येथील रहिवासी असल्याचे पोलिसांकडून सांगण्यात येत आहे. डीसीपी सेंट्रल रवीना त्यागी यांनी ही माहिती दिली.