Rajendra Nikam
छत्तीसगडच्या रायपुरमध्ये पतीने रागाच्या भरात पत्नीला दुसऱ्या मजल्यावरून फेकून दिले. घटना गुढियारी पोलीस स्टेशन हद्दीत घडली. आरोपी सुनीलने जेवण न दिल्याने पत्नीला मारहाण करून फेकले. पत्नी सध्या डीकेएस रूग्णालयात उपचार घेत आहे. पोलिसांनी आरोपीला अटक केली असून तपास सुरू आहे.एक धक्कादायक घटना पुढे आलीये. चक्क रागाच्या भरात एका पतीने आपल्या पत्नीला दुसऱ्या मजल्यावरून खाली फेकून दिले. या घटनेमध्ये महिला ही गंभीर जखमी झाली असून तिच्यावर रूग्णालयात उपचार सुरू आहेत. पतीने अगोदर पत्नीला जेवण मागितले. मात्र, तिने दुर्लक्ष करत मोबाईल घेतला. यानंतर पतीला इतका राग आला की, पत्नीला मारहाण केली आणि दुसऱ्या मजल्यावरून फेकले. ही घटना छत्तीसगडमधील रायपुरमधील गुढियारी पोलीस स्टेशन हद्दीतील विकास नगर परिसरातील आहे.
या घटनेची माहिती सांगताना पोलिस अधिकाऱ्याने सांगितले की, सुनील जगबंधू असे आरोपी पतीचे नाव आहे. पत्नी सपना ही कामावरून घरी आली होती, त्यावेळी पती हा मुलीला मारत होता. सपना मोबाईल घेऊन बसली असता त्याने तिला जेवण मागितले. पण सपनाने पतीच्या म्हणण्याकडे दुर्लक्ष केले. पत्नी जेवायला देत नसल्याचे पाहून पतीला प्रचंड राग आला आणि त्याने तिला मारहाण करण्यास सुरूवात केली.मारहाणीत सपनाला सुनील याने थेट दुसऱ्या मजल्यावरून खाली फेकले. ज्यामध्ये ती गंभीर जखमी झाली. सपनावर सध्या रायपुरच्या डीकेएस मल्टी स्पेशियलिटी हॉस्पिटलमध्ये उपचार सुरू आहेत. या घटनेची माहिती मिळताच पोलिसांनी घटनास्थळ गाठले. आरोपी घरीच होता. पोलिसांनी सुनील याला अटक केलीये. पोलिस सुनीलची चाैकशी करत आहेत. पोलिसांकडून याप्रकरणी अधिक तपास हा केला जात आहे.पत्नीला मारहाण करत थेट दुसऱ्या मजल्यावरून फेकून दिल्याची बातमी वाऱ्यासारखी पसरली. आरोपी पतीला कडक शिक्षा करण्याची मागणी आता केली जातंय. या घटनेने शहरात खळबळ निर्माण झालीये. पीडित पत्नीची स्थिती गंभीर असल्याचीही माहिती मिळत आहे. डॉक्टरांकडून सपनाला वाचवण्यासाठी प्रयत्न केले जात आहेत. गेल्या काही दिवसांपासून छत्तीसगडमध्ये महिलांवरील अत्याचाराच्या घटनांमध्ये वाढ झाल्याचे बघायला मिळतंय. त्यामध्ये जेवण न दिल्याने थेट पत्नीला पतीने दुसऱ्या मजल्यावरून खाली फेकून दिले.
