Rajendra Nikam
मागील वर्षी याच आरोपीने कोळसेवाडी परिसरात या मुलीला गाठून भर रस्त्यात तिचा पाठलाग करत तिला पकडून पळवून नेण्याचा प्रयत्न केला होता यावेळी या मुलीने प्रतिकार केल्यानंतर त्याने तिला मारहाण देखील केली होती. कल्याण पूर्व येथील १३ वर्षीय मुलीचे अपहरण करून तिची हत्या करणारा नराधम विशाल गवळी याचा शोध पोलिसांनी सुरू केला आहे. सदर मुलीला दुकानातून खाऊ घेऊन परतताना गवळी याने जबरदस्तीने उचलून रिक्षात घालून पळवून नेल्याचे सीसीटीव्हीत दिसून आले आहे. या सीसीटीव्हीच्या आधारे पोलिसांनी रिक्षा चालकाला ताब्यात घेतले असून नराधम आरोपी विशाल गवळी फरार झाला आहे.दरम्यान, मागील वर्षी याच आरोपीने कोळसेवाडी परिसरात या मुलीला गाठून भर रस्त्यात तिचा पाठलाग करत तिला पकडून पळवून नेण्याचा प्रयत्न केला होता यावेळी या मुलीने प्रतिकार केल्यानंतर त्याने तिला मारहाण देखील केली होती. मात्र यावेळी सुद्धा तिला सोडवण्यासाठी कोणीही पुढे आले नव्हते. आताही भर रस्त्यातून आरोपीने मुलीला उचलून नेताना अनेकांनी पाहिले मात्र कोणीही आरोपीच्या भीतीने पुढे आले नाही किंवा याची माहिती ही या मुलीच्या पालकांना कोणी दिली नाही असा आरोप या मुलीच्या आईने केला आहे.
