बाबा तोपर्यंत काळजी घ्या, कॅप्टन सुमित सभरवालचा शेवटचा फोन, 88 वर्षीय वडिलांवर दुःखाचा डोंगर.

पवईच्या जलवायू विहारमध्ये राहणारे सुमीत सभरवाल यांचे 88 वर्षीय वडील या अपघाताची माहिती कळल्यानंतर हादरून गेले आहेत.अहमदाबादहून लंडनला जाणाऱ्या अपघातग्रस्त विमानाचे कॅप्टन सुमीत सभरवाल यांची निवृत्त होऊन वडिलांची सेवा करण्याची इच्छा होती. मात्र, त्यांची ही शेवटची इच्छा अपूर्णच राहिली.पवईच्या जलवायू विहारमध्ये राहणारे सुमीत सभरवाल यांचे 88 वर्षीय वडील या अपघाताची माहिती कळल्यानंतर हादरून गेले आहेत. विमानोड्डाणाला तासभर असताना त्यांनी वडिलांना फोन केला होता. लंडनला पोहोचल्यावर फोन करतो, तोवर काळजी घ्या असेही सांगितले होते. त्यांच्या अपघाती मृत्यूनंतर वडिलांनी ही आठवण सांगितली.सभरवाल यांच्या गाठीशी 8200 तासांचा उड्डाणाचा अनुभव होता. त्यांच्या आईचे दोन वर्षांपूर्वी निधन झाले होते. त्यानंतर वडिलांचा सांभाळ करण्याची जबाबदारी सुमीत यांच्यावर होती. सभरवाल अविवाहित होते.

अशी माहिती आमदार दिलीप लांडे यांनी दिली.या अपघातात क्रू मेंबर अपर्णा महाडिक यांचाही अपघाती मृत्यू झाला आहे. त्या गेली 10 वर्षे हवाईसुंदरी म्हणून कार्यरत होत्या. अपर्णा महाडिक या 40 वर्षांच्या होत्या. त्यांना 9 वर्षांची मुलगी आहे. खासदार सुनील तटकरे यांच्या भाच्याच्या त्या पत्नी होत्या. महाडिक यांचे पती एअर इंडियामध्ये कार्यरत आहेत. त्या गोरेगाव येथे राहायच्या. त्यांना एक मुलगी आहे. तर विमानाचे फर्स्ट ऑफिसर क्लाइव्ह कुंदर बोरिवलीमध्ये राहायचे. ते अभिनेता विक्रांत मॅस्सीचे भाऊ होते.अहमदाबादहून लंडनला जाणारे एअर इंडियाचे विमान गुरुवारी दुपारी उड्डाणानंतर कोसळले.

या अपघातात मृत्युमुखी पडलेल्यांमध्ये सोलापूर जिल्ह्यातील सांगोला तालुक्यातील हातीद गावातील महादेव तुकाराम पवार, वय 68 वर्ष, आणि आशाबेन महादेव पवार वय 60 वर्ष, या दाम्पत्याचा समावेश आहे. त्यांचा एक मुलगा लंडनमध्ये असून, दुसरा मुलगा गुजरातमध्ये चालक म्हणून काम करतो. गुरुवारी दुपारी महेश पवार हे नातेवाईक महादेव व आशाबेन यांना सोडण्यास गेले होते. त्यांना सोडून बाहेर आल्यावर विमान अपघाताची माहिती कळाली अन् त्यांनी कुटुंबीयांना माहिती दिली.