Rajendra Nikam
लहान मुलानं जळती काडी टाकली दानपेटीत, हजारोंच्या नोटा जळून खाक, गणपती मंदिरातील व्हिडीओ व्हायरललहान मुलांना सांभाळणं म्हणजे खरंच मोठं आव्हान असतं. कारण मुलं कधी काय करतील, याचा काही नेम नसतो. त्यात जर मुलगा खोडकर स्वभावाचा असेल, तर मग आई-वडिलांना अक्षरशः पोलिसांसारखं त्याच्यावर लक्ष ठेवावं लागतं.आता हेच बघा ना एका लहान मुलाने गणपती बाप्पाच्या दर्शनासाठी मंदिरात हजेरी लावली होती. पण दर्शनाऐवजी त्यानं काही वेगळंच केलं! त्याने थेट एक जळती काडी मंदिरातल्या दानपेटीत टाकली. आणि मग पुढे काय झालं, ते पाहून सगळेच थक्क झाले.ही घटना कॅमेऱ्यात कैद झाली असून, या प्रकाराचा व्हिडीओ सध्या सोशल मीडियावर जोरदार व्हायरल होत आहे.ही धक्कादायक घटना नाशिक जिल्ह्यातील सटाणा इथल्या एका मंदिरात घडली. या मंदिराचं सीसीटीव्ही फुटेज सध्या सोशल मीडियावर जोरदार व्हायरल होत आहे.
व्हिडीओमध्ये दिसतं की, एक लहान मुलगा गणपती बाप्पाचं दर्शन घेतो आणि त्यानंतर अचानक खिशातून माचिस काढतो. त्यातून एक काडी पेटवतो आणि ती जळती काडी थेट मूर्तीसमोर ठेवलेल्या दानपेटीत टाकतो.आता त्यानं हा प्रताप नेमका का केला, हे अजून स्पष्ट झालेलं नाही. मात्र, काडी टाकल्यानंतर पेटीतील नोटांना हळूहळू आग लागते आणि पाहता पाहता हजारो रुपयांची रक्कम जळून खाक होते.
दानपेटीतून धूर येऊ लागल्यावर मंदिरात उपस्थित लोकांना प्रकार लक्षात येतो. त्यानंतर सीसीटीव्ही फुटेज तपासल्यावर हा संपूर्ण प्रकार उघडकीस आला.हा व्हिडीओ viralinmaharashtra या इंस्टाग्राम पेजवरून शेअर करण्यात आला आहे. आणि आता या व्हिडीओवर नेटकऱ्यांच्या विविध प्रतिक्रिया येताना दिसत आहेत.
काहींनी या मुलावर टीका केली आहे. त्यांच्या मते, त्याच्या वागणुकीवरून स्पष्ट होतं की पालकांनी त्याला शिस्त शिकवलेली नाही.
मात्र काही युजर्स मुलाचं कौतुक करत त्याला पाठिंबा देताना दिसत आहेत. त्यांच्या म्हणण्यानुसार, मंदिरातील सगळी रक्कम ट्रस्टी, पुजारी किंवा इतर व्यक्तींच्या खिशात जाते. गरिबांपर्यंत त्याचा काहीच उपयोग पोहोचत नाही. त्यामुळे या मुलानं नोटा जाळून योग्यच केलं.
असो, या वादग्रस्त प्रकारावर तुमचं मत काय आहे? तुम्ही देखील खाली कमेंटमध्ये प्रतिक्रिया नक्की द्या.
