माहेरी आली अन् बेपत्ता झाली, बारा दिवसांनी घरापासून ४०० किमी दूर विवाहितेची बॉडी नको त्या अवस्थेत मिळाली, गूढ कायम.

एका महिलेचा अर्ध नग्न मृतदेह असल्याची माहिती स्थानिक पोलिसांना मिळाली. शवाची छायाचित्रे आसपासच्या जिल्ह्यांच्या पोलिसांना पाठवण्यात आली. जालौन पोलिसांना याची माहिती मिळताच..उत्तर प्रदेशच्या जालौन जिल्ह्यातील एक महिला २७ मे रोजी बेपत्ता झाली होती. तिचा मृतदेह सुमारे ४०० किलोमीटर दूर उत्तराखंडच्या नैनीताल जिल्ह्यातील भीमताल तलावात अर्ध नग्न अवस्थेत आढळला. ३० वर्षीय पुष्पा देवी असे मृत महिलेचे नाव असून ती डकोर पोलीस स्टेशन हद्दीतील रहिवासी होती. या रहस्यमय मृत्यूमुळे केवळ महिलेचे कुटुंबच नव्हे, तर जालौन आणि उत्तराखंड पोलीसही चक्रावले आहेत. सध्या पोलीस या प्रकरणाचा तपास आत्महत्या, हत्या आणि प्रेमप्रकरण या दृष्टीने करत आहेत.पुष्पा देवी २७ मे रोजी पती ऋषी तिवारी यांच्यासोबत जालौन येथील गंगाधाम येथे आपल्या माहेरी आली होती. पती तिला माहेरी सोडून त्याच दिवशी डकोरला परत गेला. रात्री जेव्हा त्याने पत्नीला फोन केला तेव्हा संपर्क होऊ शकला नाही. दुसऱ्या दिवशी सकाळी २८ मे रोजी ऋषी पुन्हा सासरवाडीला आला आणि त्याने सासू-सासऱ्यांकडे पुष्पाबद्दल विचारणा केली.

सासू निर्मला देवी आणि सासरे रामकुमार गोस्वामी यांनी सांगितले की पुष्पा रात्रीपासूनच गायब आहे.कुटुंबीयांनी अनेक दिवस तिची नातेवाईकांकडे आणि आसपासच्या परिसरात शोधाशोध केली, पण काहीही सुगावा लागला नाही. त्यानंतर जालौन कोतवालीमध्ये पुष्पा बेपत्ता झाल्याची तक्रार दाखल करण्यात आली. दरम्यान, ७ जून रोजी उत्तराखंडमधील हल्द्वानी पोलीस स्टेशन हद्दीतील भीमताल तलावाजवळ एका महिलेचा अर्ध नग्न मृतदेह असल्याची माहिती स्थानिक पोलिसांना मिळाली. शवाची छायाचित्रे आसपासच्या जिल्ह्यांच्या पोलिसांना पाठवण्यात आली. जालौन पोलिसांना याची माहिती मिळताच पुष्पाचे कुटुंबीय उत्तराखंडला पोहोचले आणि त्यांनी पुष्पा देवी म्हणून शवाची ओळख पटवली.यानंतर मृतदेह शवविच्छेदनासाठी पाठवण्यात आला. पुष्पा जालौनहून उत्तराखंडला कशी पोहोचली याचा शोध पोलीस घेत आहेत. प्राथमिक तपासात असे समोर आले आहे की, २७ मे रोजी सायंकाळी पुष्पा घरातून ‘बाजार जात आहे’ असे सांगून निघाली होती. पण त्यानंतर ती परत आली नाही. पुष्पाचे प्रेमसंबंध असण्याची शक्यता पोलिसांना आहे आणि ती त्याच व्यक्तीसोबत गेली असावी, असा पोलिसांना संशय आहे. गायब होण्यापूर्वी पुष्पा कोणाच्या संपर्कात होती, तिने कोणाशी बोलणे केले आणि तिचे मोबाईल लोकेशन काय होते, हे शोधण्यासाठी कॉल डिटेल रेकॉर्ड (सीडीआर) तपासले जात आहे. जालौन आणि उत्तराखंड पोलीस संयुक्तपणे या प्रकरणाचा तपास करत आहेत. जालौन पोलिसांनी पुष्पाची पार्श्वभूमी, तिचे संबंध आणि कॉल रेकॉर्ड्सशी संबंधित सर्व माहिती गोळा करण्यास सुरुवात केली आहे, तर नैनीताल पोलीस तलावाच्या आसपासचे सीसीटीव्ही फुटेज आणि घटनास्थळाची बारकाईने तपासणी करत आहेत.पुष्पा दोन मुलांची आई होती. दोघेही अजून अल्पवयीन आहेत. पुष्पाच्या लग्नाला ११ वर्षे झाली होती आणि त्यांचे वैवाहिक जीवन सामान्य होते, असे सांगितले जात आहे. सध्या हे प्रकरण रहस्यमय बनले आहे, पण पोलीस अधिकाऱ्यांचे म्हणणे आहे की लवकरच मृत्यूचे रहस्य उलगडेल. पोस्टमार्टम रिपोर्ट आणि डिजिटल पुराव्यांच्या आधारावर पोलीस लवकरच निष्कर्षापर्यंत पोहोचतील.