ठाकरेंनी मुंबईतील मोहरा कोकणात उतरवला, कुणबी कार्ड वापरणार; बेटकरांना कदमांविरोधात उतरवण्याची खेळी?

विधानसभा निवडणुकीतील मोठ्या यशानंतर कोकणात शिंदेंच्या शिवसेनेचे टायगर ऑपरेशन नंतर पक्षात जोरदार इनकमिंग सुरू आहे. अशातच उद्धव बाळासाहेब ठाकरे यांनी आपला मोहरा रत्नागिरी जिल्ह्यात उतरवला आहे.विधानसभा निवडणुकीतील मोठ्या यशानंतर कोकणात शिंदेंच्या शिवसेनेचे ऑपरेशन टायगर नंतर पक्षात जोरदार इनकमिंग सुरू आहे. अशातच उद्धव बाळासाहेब ठाकरे यांनी शिंदे यांच्या शिवसेनेचे नेते गजानन कीर्तिकर यांचे चिरंजीव अमोल कीर्तीकर हा मोहरा रत्नागिरी जिल्ह्यात उतरवला आहे. अमोल कीर्तीकर गेले काही महिने उत्तर रत्नागिरी जिल्ह्यात ऍक्टिव्ह मोडवर आहेत. अशातच अलीकडे कुणबी समाजाचे नेते गुहागरचे माजी नगराध्यक्ष सहदेव बेटकर यांनी ठाकरे गटात प्रवेश केला आहे. त्यांच्यावर ठाकरे गटातील प्रवेशानंतर रत्नागिरी जिल्ह्याची संपर्कप्रमुख म्हणून जबाबदारी देण्यात आली आहे.सहदेव बेटकर यांच्या चिपळूण येथे झालेल्या अभिष्टचिंतन सोहळ्यात अमोल कीर्तीकर यांनी बेटकर यांना पुढील विधानसभेची तयारी करा, असं थेट व्यासपीठावरूनच जाहीरपणे सांगितलं. दापोली, खेड, मंडणगड विधानसभा मतदारसंघातून तयारी करा तुमच्यासाठी आम्ही पहिला नंबर लावला आहे. दापोली खेड मधील जनतेचा आशीर्वाद तुमच्या पुढे मागे उभे करू, ही जबाबदारी व्यासपीठावर बसलेल्या सर्वांची आहे, असं विधान करत आगामी राजकारणाचे स्पष्ट संकेत किर्तीकरांनी दिले होते. रामदास कदम योगेश कदम यांना शह देण्यासाठी ठाकरेंनी मुंबईतील अमोल कीर्तीकर हा मोहरा वापरत रत्नागिरी जिल्ह्यातील आगामी राजकारणाची दिशा स्पष्ट केल्याचे पाहायला मिळत आहे. किर्तीकर यांच्या विधानातून बेटकर यांना दापोली खेड मतदारसंघातून कदमांच्या विरोधात उतरवण्याची रणनीती असल्याचे पाहायला मिळाले आहे.

बेटकर साहेब मी तुम्हाला व्यासपीठावरूनच तुमच्या वाढदिवसानिमित्त आश्वस्त करतो की, तुम्ही उद्धवजींच्या आशीर्वादाने दापोली, खेड, मंडणगड तालुक्यातील लोकांचा आशिर्वाद आपल्यापुढे आपल्या मागे उभे करण्याची जबाबदारी आमची सगळ्यांची व्यासपीठावर बसलेल्या लोकांची आहे. दापोली विधानसभेतून तयारी करा त्यासाठी कामाला लागा, असे जाहीर निमंत्रणच अमोल कीर्तीकर यांनी दिले आहे.कीर्तिकर पुढे म्हणाले की, मला माहिती नाही की जिल्ह्यातील कुठल्या कुठल्या विधानसभा मतदारसंघाला आपलं नेतृत्व हवंय. परंतु नंबर आम्ही पहिला लावलाय यामध्ये हे लक्षात ठेवा असे सांगत बेटकर यांना पुढच्या विधानसभेला दापोली खेड मतदारसंघातून उतरवण्याची जाहीर इच्छाच व्यक्त करत आगामी निवडणुकीत ठाकरे गटाकडून कुणबी कार्ड वापरण्याचा प्रयत्न होणार असल्याचे किर्तीकारांच्या विधानावरून स्पष्ट झाल आहे.साध्या कुटुंबात जन्माला येऊन मुंबईसारख्या ठिकाणी व्यापारी संकुल व्यापार उदीम निर्माण करणे हे काही प्रत्येकाचं काम नसतं आणि जो हे करू शकतो तो नक्कीच समाजाकरता नक्की काहीतरी चांगलं करू शकतो त्यामुळे कुणबी समाज बांधवांची सुद्धा आपल्याकडून त्या पद्धतीची अपेक्षा आहे अशा शब्दात अमोल कीर्तिकर यांनी सहदेव बेटकर यांच्या कौतुक केलं.ज्यांनी बाळासाहेबांचा पक्ष तोडण्याचं काम केलं त्यांना मातीत मिळविल्याशिवाय आम्ही कोणी स्वस्थ बसणार नाही आहोत त्यामुळे मला असं वाटतं की इथे सहा आहेत सात आहेत की भविष्यात आठ आमदार होतील हे मला माहिती नाही पण ते आठच्या आठही आमदार हे शिवसेना उद्धव बाळासाहेब ठाकरे यांच्या विचाराचे होतील, त्याच्यामध्ये बेटकर साहेब आपणही असावं असं आमचं सगळ्यांचं तुमच्यावर प्रेम करणारा येथे जमलेल्या सगळ्यांच्या म्हणणं आहे असं सांगत कीर्तीकारांनी बेटकर यांना साडेचार वर्षांनी होणाऱ्या विधानसभेच्या उमेदवारीसाठी तयारी करा असेच स्पष्ट ठाकरे गटाचे जिल्हा संपर्क प्रमुख सहदेव बेटकर यांना दिले आहेत.बेटकर साहेब तुमच्या एका फोन वरून मी मुंबईवरून इकडे आलो त्याचं कारण तुमच्याकडून आमच्याही काही अपेक्षा आहेत की ज्या पद्धतीने तुम्ही उद्धव साहेबांचा हात धरला आहात हा तुम्ही कायम धरून राहिला पाहिजे आणि दुसरी गोष्ट उद्धव साहेब जी जबाबदारी देतील ती तुम्ही नाही म्हणू नका कुठलाही किंतु परंतु मनात आणू नका असं सांगत जी उद्धवसाहेब जबाबदारी देतील ती पूर्ण करण्यासाठी विजयाच्या दृष्टीने आम्ही सर्व तन मन धन लावून तुमच्या पाठीशी उभे आहोत असे शब्दात कीर्तीकारांनी बेटकर यांना यांना आश्वस्त केलं आहे.