पुण्यात गहुंजेला क्रिकेट मॅच पाहायला गेलेले, येताना धडकी भरवणारा अपघात, २ चिमुकल्या खेळाडूंचा दुर्दैवी मृत्यू.

जळगाव जिल्ह्यातील बोदवड तालुक्यातील १३ क्रिकेट खेळाडू पुण्याला सामना खेळायला गेले होते. परत येत असताना त्यांच्या गाडीला अपघात झाला. अहमदनगर-संभाजीनगर महामार्गावर नेवासाजवळ हा अपघात झाला. यात दोन खेळाडूंचा दुर्दैवी मृत्यू झाला आहे.

जळगाव जिल्ह्यातील बोदवड तालुक्यातील 13 क्रिकेट खेळाडू सामना खेळण्यासाठी पुणे येथे केले असता परतीच्या प्रवासात त्यांच्या खाजगी क्रूजर गाडीचा अपघात झाला या अपघातात दोन खेळाडूंचा मृत्यू झाला असल्याची घटना घडली असून अन्य 11 विद्यार्थ्यांवर उपचार सुरू आहे. बोदवड तालुक्यातील केसरी स्पोर्ट ॲकॅडमीच्या १३ क्रिकेट खेळाडूंच्या क्रुझर वाहनाला अहमदनगर-संभाजीनगर महामार्गावर नेवासा तालुक्यातील स्थळ दुमाला शिवारात आज, सोमवारी पहाटे सव्वा पाच वाजता भीषण Road Accident झाला. पुण्याहून क्रिकेट सामना पाहून परत येत असताना हा अपघात झाला, ज्यात दोन खेळाडूंचा दुर्दैवी मृत्यू झाला असून, ११ जण किरकोळ जखमी झाले आहेत. जखमींवर स्थानिक रुग्णालयात उपचार सुरू आहेत.घटनेची माहिती मिळताच नेवासा पोलीस ठाण्याचे पोलीस निरीक्षक धनंजय जाधव यांच्यासह पोलीस पथक तात्काळ घटनास्थळी दाखल झाले. पोलिसांनी रुग्णवाहिकेच्या साहाय्याने जखमींना तातडीने रुग्णालयात हलवले. अपघाताचे नेमके कारण अद्याप स्पष्ट झालेले नाही, मात्र पोलिसांनी या प्रकरणाचा तपास सुरू केला आहे. या घटनेमुळे बोदवड तालुक्यात शोककळा पसरली आहे. या घटनेबाबत नेवासा पोलीस ठाण्यात अकस्मात मृत्यूची नोंद करण्यात आली आहे.