शक्तिपीठ महामार्गाचा सर्व्हे बंद, महावितरणच्या कर्मचाऱ्यांची अडवणूक, कोल्हापुरातील संतप्त शेतकऱ्यांचा सज्जड इशारा.

समृद्धी महामार्गाच्या धर्तीवर राज्यातील सर्व शक्तिपीठ आणि धार्मिक स्थळांना जोडणारा शक्तिपीठ महामार्ग करण्याचा मानस राज्य सरकारचा आहे. मात्र या शक्तीपीठ महामार्गाला राज्यभरातून शेतकऱ्यांचा मोठा विरोध होत आहे. लोकसभा निवडणुकीत शक्तीपीठ महामार्गामुळे महायुतीला जोरदार फटका बसला होता. यामुळे विधानसभा निवडणुकीच्या तोंडावर महायुतीने शांततेची भूमिका घेत शक्तिपीठ महामार्ग तात्पुरता स्थगित केला. मात्र निवडणुका होताच आणि महायुतीचे सरकार येतात पुन्हा हा महामार्ग करण्याचा प्रयत्न सरकारकडून सुरू झालाय.जिल्ह्यात शेतकऱ्यांचा तीव्र विरोध असताना देखील सरकारचा महत्वकांशी प्रकल्प असलेला शक्तिपीठ महामार्ग सुरू करण्याच्या हालचाली सुरू झाल्या आहेत. शक्तिपीठ महामार्गामध्ये अडथळा निर्माण करणारे विजेचे खांब हटवण्यासाठी महावितरणने सर्व्हे सुरू केलाय. रविवारी करवीर तालुक्यातील खेबवडे येथून व्हनाळी, केनवडेपर्यंत खांबांचा सर्व्हे करणाऱ्यास आलेल्या महावितरणच्या दोन कर्मचाऱ्यांना केनवडे येथे पकडून शेतकऱ्यांनी जाब विचारत सर्व्हे बंद पाडला आहे. यामुळे शेतकरी आणि सरकार यांच्यामधील संघर्ष आणखी वाढणार आहे.समृद्धी महामार्गाच्या धर्तीवर राज्यातील सर्व शक्तिपीठ आणि धार्मिक स्थळांना जोडणारा शक्तिपीठ महामार्ग करण्याचा मानस राज्य सरकारचा आहे. मात्र या शक्तीपीठ महामार्गाला राज्यभरातून शेतकऱ्यांचा मोठा विरोध होत आहे.

लोकसभा निवडणुकीत शक्तीपीठ महामार्गामुळे महायुतीला जोरदार फटका बसला होता. यामुळे विधानसभा निवडणुकीच्या तोंडावर महायुतीने शांततेची भूमिका घेत शक्तिपीठ महामार्ग तात्पुरता स्थगित केला. मात्र निवडणुका होताच आणि महायुतीचे सरकार येतात पुन्हा हा महामार्ग करण्याचा प्रयत्न सरकारकडून सुरू झालाय. विशेष म्हणजे कोल्हापूर जिल्ह्यातून या महामार्गाला मोठ्या प्रमाणात विरोध होता. दरम्यान कोल्हापूर जिल्ह्यातून हा शक्तिपीठ महामार्ग जाणार नाही असा अध्यादेश मंत्री हसन मुश्रीफ यांनी जाहीर सभेत दाखवलं होतं.मात्र निवडणुका झाल्यानंतर आता हा महामार्ग कोल्हापूरमधून घेऊन जाण्याच्या अनुषंगाने हालचाली सुरू झाल्या असून करवीर तालुक्यातील केनवडे येथे रविवारी काही शेतकऱ्यांना महावितरणचे दोन कर्मचारी मोबाईल मॅपद्वारे सर्व्हे करत असल्याचे दिसून आले. त्यांच्याकडे शेतकऱ्यांनी चौकशी केली असता शक्तीपीठ महामार्गात अडथळा ठरणारे खांब किती आहेत याची माहिती संकलित करत असल्याचं कर्मचाऱ्यांनी सांगितलं. तसेच या महामार्गाचा ऑनलाइन नकाशा महावितरण कडून देण्यात आला असून दररोज १७ कि. मी. अंतराचा सर्व्हे पूर्ण करून माहिती देण्यास सांगितले असल्याचंही कर्मचाऱ्यांनी शेतकऱ्यांना सांगितले.यावेळी संतप्त झालेल्या शेतकऱ्यांनी या दोन्ही कर्मचाऱ्यांना सर्व्हे बंद करत वरिष्ठ अधिकाऱ्यांना बोलवून घेतलं. यावेळी महावितरणच्या अधिकाऱ्यांना जिल्ह्यात शक्तिपीठ रद्दच्या अधिसूचना असताना सर्व्हे होतोच कसा? सर्व्हे करण्यास तुम्हाला कोणी सांगितले असा सवाल केला. संताप्त झालेल्या शेतकऱ्यांचा रुद्रावतार पाहून महावितरणच्या अधिकाऱ्यांनी हा सर्व्हे आपण थांबवत असल्याचं सांगितल. मात्र, यावेळी शेतकऱ्यांनी हा सर्व्हे पूर्णतः बंद करा अन्यथा आम्हाला आक्रमक भूमिका घ्यावी लागेल, असा इशारा शेतकऱ्यांनी दिला.