Rajendra Nikam
सुरतमध्ये एका मॉडेलने आत्महत्या केल्याची घटना घडली आहे. तिच्या होणाऱ्या सासूबाईंचे काही काळापूर्वीच निधन झालेले. मुंबई- गुजरातमधील सुरतमध्ये अंजली वरमोरा नावाच्या एका अभिनेत्री मॉडेलने आत्महत्या केली आहे. ती 23 वर्षांची होती. अंजलीने तिच्या घरात पंख्याला गळफास लावून आत्महत्या केल्याचे समोर आले आहे. सध्या पोलीस तपासात असे म्हटले आहे की अंजली मानसिक तणावातून जात होती, त्यामुळेच तिने हे टोकाचे पाऊल उचलले. मात्र, आत्महत्येचे खरे कारण अद्याप समोर आलेले नाही. परंतु मरण्यापूर्वी अंजलीने तिच्या इंस्टाग्रामवर दोन भावनिक पोस्ट शेअर केल्या होत्या. ज्या पोलीस तिच्या मृत्यूशी जोडण्याचा प्रयत्न करत आहेत.
अंजलीने 7 जूनच्या रात्री गळफास घेऊन आत्महत्या केली. तिच्या कुटुंबाला काहीतरी गडबड असल्याची शंका आली तेव्हा त्यांनी तिच्या खोलीचे दार ठोठावले पण आतून प्रतिसाद मिळाला नाही. जेव्हा त्यांनी दार तोडले तेव्हा त्यांना अंजली पंख्याला लटकलेली आढळली. यानंतर, तिला ताबडतोब रुग्णालयात नेण्यात आले, पण त्याआधीच तिचा मृत्यू झाला होता.दुसरीकडे, घटनेच्या एक दिवस आधी, अंजलीने तिच्या इंस्टाग्रामवर दोन भावनिक पोस्ट शेअर केल्या होत्या. एका पोस्टमध्ये तिने लिहिले होते – ‘जर सर्वजण निघून गेले तर काही हरकत नाही, परंतु जेव्हा प्रियजन निघून जातात तेव्हा खूप त्रास होतो.’ दुसऱ्या पोस्टमध्ये तिने लिहिले होते, ‘आज त्याने मला हे जाणवून दिले की मी त्याच्यासाठी काहीच नाही.’ अंजलीच्या या पोस्टवरून असे दिसते की ती काही कारणास्तव खूप अस्वस्थ होती. कोणी तरी तिला प्रचंड दुखावले होते.पोलिसांच्या माहितीनुसार, अंजली वरमोरा तिच्या आईवडिलांसोबत आणि धाकट्या भावासोबत सुरतमधील नवसारी मार्केटजवळ राहत होती. गेल्या काही महिन्यांपासून ती ‘रेव्हेन्यू मॉडेल कास्टिंग एजन्सी’सोबत मॉडेलिंग प्रोजेक्टवर काम करत होती. दोन वर्षांपूर्वी अंजलीचा सूरतमधील एका पुरूषाशी साखरपुडा झाला होता. या दोघांचे या वर्षी लग्न होणार होते. पण मॉडेलच्या नवऱ्याच्या आईचे निधन झाले, ज्यामुळे त्यांचे लग्न पुढे ढकलण्यात आले. आता, तिने फाशी घेतल्यानंतर अनेक प्रश्न उपस्थित केले जात आहेत. सध्या पोलिस तपास सुरू आहे.
