Rajendra Nikam
सोनम रघुवंशीने पती राजा रघुवंशीची हत्या केल्याचा आरोप आहे. या प्रकरणी तिला अटक करण्यात आली आहे. तिच्या वडिलांनी मात्र याला षडयंत्र म्हटले आहे इंदौरहून शिलॉंगला गेल्यानंतर बेपत्ता झालेल्या हनिमून कपलमधील पती राजा रघुवंशी याच्या हत्येप्रकरणी पत्नी सोनम रघुवंशी पोलिसांच्या ताब्यात आहे. पत्नी सोनमनेच तिघा जणांच्या साथीने राजाची हत्या घडवून आणल्याचे समोर आले आहे. मात्र, सोनमचे वडील आपली मुलगी निर्दोष असल्याचे सांगत आहेत. या प्रकरणाची सीबीआय चौकशी करण्याची मागणी त्यांनी केली आहे. सोनमचे राज कुशवाह याच्यासोबत प्रेमसंबंध असल्यामुळे तिने हनिमूनलाच पतीचा खून घडवून आणल्याचा आरोप आहे.
सोनम रघुवंशीने पती राजा रघुवंशीची हत्या केल्याचा आरोप आहे. या प्रकरणी तिला अटक करण्यात आली आहे. तिच्या वडिलांनी मात्र याला षडयंत्र म्हटले आहे आणि सीबीआय चौकशीची मागणी केली आहे. सोनम रघुवंशीचे वडील देवी सिंह यांनी सांगितले की, घटनेच्या दिवशी सायंकाळी पाच वाजता सोनमने एका ढाब्यावरील व्यक्तीचा मोबाईल घेऊन आपला भाऊ गोविंदला फोन केला होता.राजा रघुवंशी हत्या प्रकरणात सोनमच्या वडिलांनी तिची बाजू मांडली आहे. सोनमच्या वडिलांनी सांगितले, ” घटनेच्या दिवशी सायंकाळी पाच वाजता सोनमने एका ढाब्यावरील व्यक्तीचा मोबाईल घेऊन आपला भाऊ गोविंदला फोन केला. त्यानंतर कुटुंबीयांनी पोलिसांना माहिती दिली. पोलीस घटनास्थळी पोहोचले आणि सोनमला ढाब्यावरून घेऊन आले.”माझ्या मुलीला षडयंत्रात फसवले जात आहे आणि वास्तविक सत्य दाबले जात आहे. आमची मुलगी निर्दोष आहे. संपूर्ण प्रकरणाची निष्पक्ष चौकशी व्हायला हवी. आम्ही सीबीआय चौकशीची मागणी करतो, जेणेकरून न्याय मिळू शकेल.”राजा रघुवंशी हत्याकांडातील आरोपी सोनम रघुवंशी सध्या पोलीस कोठडीत आहे. या प्रकरणाचा तपास सुरू आहे. सोनमच्या वडिलांनी सीबीआय चौकशीची मागणी केली आहे, त्यामुळे या प्रकरणाला आणखी वेगळे वळण मिळण्याची शक्यता आहे. पोलीस या प्रकरणाचा कसून तपास करत आहेत आणि लवकरच सत्य समोर येईल, अशी अपेक्षा आहे.
