कोरोनाचा संसर्ग वाढला! सक्रीय रुग्णांच्या संख्येत दिवसेंदिवस पडतेय भर; वाचा कोणत्या राज्यात काय स्थिती?

 देशात कोरोनाचा संसर्ग झपाट्याने वाढताना दिसत आहे. काही राज्यांत सक्रीय रुग्णांच्या संख्येत वाढ होत आहे. त्यामुळे देशवासीयांच्या चिंतेत भर पडणार आहे.देशात कोरोनाचा संसर्ग झपाट्याने वाढताना दिसत आहे. काही राज्यांत सक्रीय रुग्णांच्या संख्येत वाढ होत आहे. त्यामुळे देशवासीयांच्या चिंतेत भर पडणार आहे. आरोग्य विभागाच्या माहितीनुसार, महाराष्ट्र, हरियाणा, गुजरात, उत्तराखंड आणि पश्चिम बंगालसह काही राज्यांत सक्रीय रुग्णांमध्ये भर पडली आहे.आरोग्य विभागाच्या आकडेवारीनुसार, हरियाणामध्ये एकून १०२ कोरोना रूग्णांची नोंद झाली आहे. याआधीच्या दिवशी ८७ रुग्ण बाधित झाले होते. हरियाणाच्या गुरूग्राम जिल्ह्यात सर्वाधिक रुग्णांची नोंद झाली आहे. तर गुजरातमध्ये १८३ नव्या रुग्णांची नोंद झाली. यामुळे सक्रीय रुग्णांचा आकडा आता ८२२ वर पोहोचला आहे.

यापैकी ७९३ रुग्ण गृह विलगीकरणात आहेत, तर २९ रुग्णांवर रुग्णालयात उपचार सुरू आहेत. यातच दिलासादायक म्हणजे ७८ रुग्ण कोरोनातून बरे झाले आहेत.महाराष्ट्रात कोरोनाचे ८६ नवे रुग्ण आढळून आले आहेत. ज्यामुळे राज्यात सक्रिय रुग्णांची संख्या ५९५ वर पोहोचली आहे. यामुळे चिंतेचे वातावरण असले तरी बरे होणाऱ्या रुग्णांची संख्याही लक्षणीय आहे. तर उत्तराखंड राज्यातही आज ३ नव्या रुग्णांची चाचणी पॉझिटिव्ह आली. येथे ९ सक्रीय रुग्ण आहेत. लक्षणे असणारे आणि बाधित असे १७ रुग्ण बरे झाल्याची माहिती आहे.पश्चिम बंगालमध्येही सक्रिय रुग्णांची संख्या वाढत आहे. येथे सध्या ६२२ रुग्ण बाधित आहेत. गेल्या २४ तासांत २६ नवीन रुग्णांची नोंद झाली, तर ८८ रुग्ण बरे होऊन घरी परतले आहेत. दिलासादायी म्हणजे या राज्यात कोरोनाचा एकही बळी गेलेला नाही. तर दुसरीकडे कर्नाटकातील रुग्णांच्या संख्येत मात्र भर पडत आहे. शनिवारी ५७ नव्या रुग्णांची नोंद झाली आहे. तर याचदिवशी दोघांचा मृत्यू झाला आहे. बंगळुरुतील ४६ वर्षीय आणि बेळगावातील ७८ वर्षीय रुग्णांचा मृत्यू झाला आहे.