कुंभार्ली घाटात सुरक्षा भिंत कोसळली, लोखंडी रेलिंगही तुटलेले; आता बाजूला दगड लावून मलमपट्टी, दुरुस्ती कधी?

कुंभार्ली घाटातील धोकादायक स्पॉट कमी करून हा घाट पावसाळ्याच्या दिवसातही वाहतुकीसाठी निर्धोक होईल याकरता तातडीने उपाययोजना होणं आवश्यक आहे. मात्र अद्याप गेल्या कित्येक वर्षात तशा स्वरूपाचे कोणतेही प्रयत्न झाले नाहीत.

काही ठिकाणी केवळ संरक्षक कठडे बसवणं या पलीकडे फार काम झालेलं नाही.प्रसाद रानडे, रत्नागिरी : कुंभार्ली घाट चिपळूण – पाटण – कराड मार्ग अर्थात कोकण – पश्चिम महाराष्ट्र जोडणारा हा महत्त्वाचा घाट आहे. हा घाट मार्ग वाहतुकीसाठी धोकादायक बनल्याचं चित्र आहे.सध्या घाटातून वाहतूक सुरळीत सुरू आहे, मात्र घाटातील संरक्षक भिंतीचा भाग दरीत कोसळल्याने रस्त्यावरुन जाणाऱ्या वाहनांना धोका निर्माण झाला आहे. ही घटना शुक्रवारी घडली. लोखंडी रेलिंगही तुटलेल्या अवस्थेत संरक्षक भिंतीचा भाग दरीत कोसळल्यानंतर आता तेथील रस्त्याच्या कडेला मोठे दगड लावून ठेवले आहेत. शिवाय बाजूला असलेले लोखंडी रेलिंगही तुटलेल्या अवस्थेत आहेत.अत्यंत महत्त्वाचा म्हणून ओळखला जाणाऱ्या कुंभार्ली घाटात अनेकदा पावसाळ्याच्या दिवसात दरडी कोसळण्याचे प्रकार घडत असतात.याच घाटमार्गे कोकणात दूध, भाजी यासारख्या जीवनावश्यक वस्तूंची वाहतूक मोठ्या प्रमाणात होत असते. त्यामुळे हा घाट महत्त्वाचा मानला जातो.घाटातील काही स्पॉट हे धोका आहेत, त्यामुळे पावसाळ्याच्या दिवसात या घाटातून वाहतूक करताना काळजी घेणे आवश्यक आहे.घाटातील काही स्पॉट हे धोका आहेत, त्यामुळे पावसाळ्याच्या दिवसात या घाटातून वाहतूक करताना काळजी घेणे आवश्यक आहे.