२० वर्षांच्या संसाराची राखरांगोळी, चारित्र्यावर संशय घेत भावाच्या मदतीने पतीने पत्नीला संपवलं, काय आहे संपूर्ण प्रकरण?

 पोलिसांनी दिलेल्या माहितीनुसार, अखिलेश मिश्रा ट्रक चालक आहे आणि कामामुळे तो बहुतेक वेळा घराबाहेरच असतो. याच दरम्यान पत्नीच्या चारित्र्यावर त्याला संशय होता. अखिलेश मिश्राने पोलिसांना सांगितले की, “पत्नीचे चाल-चलन ठीक नव्हते. त्याच्या पत्नीने दोन्ही मुलींना देखील कोणासोबततरी पळवून लावले.” काही दिवसांपूर्वी तो घरी परतला तेव्हा त्याला या गोष्टीची माहिती मिळाली.उत्तर प्रदेश : बरेली जिल्ह्यातील घुंघचाई पोलीस स्टेशन परिसरात एका व्यक्तीने पत्नीच्या चारित्र्यावर संशय घेऊन तिच्या भावाच्या समोरच हत्या केली. अखिलेश मिश्रा असे आरोपीचे नाव असून त्याने त्याचा भाऊ अरविंदच्या मदतीने हे कृत्य केले. पोलिसांनी दोघांनाही अटक केली आहे.
बरेलीच्या बरखेडा पोलीस स्टेशन अंतर्गत येणाऱ्या पतरसिया गावात नन्हीं देवी (वय ३५) यांचा विवाह २० वर्षांपूर्वी घुंघचाई पोलीस स्टेशन हद्दीतील जल्लूपुर गावात अखिलेश मिश्रा यांच्याशी झाला होता. ३ जून रोजी नन्हीं देवी आपल्या आईसोबत माहेरी जात असताना भगौतीपूर गावाजवळ अखिलेश आणि त्याचा भाऊ अरविंद यांनी तिच्यावर धारदार शस्त्राने वार करून हत्या केली.

पोलिसांनी दिलेल्या माहितीनुसार, अखिलेश मिश्रा ट्रक चालक आहे आणि कामामुळे तो बहुतेक वेळा घराबाहेरच असतो. याच दरम्यान पत्नीच्या चारित्र्यावर त्याला संशय होता. अखिलेश मिश्राने पोलिसांना सांगितले की, “पत्नीचे चाल-चलन ठीक नव्हते. त्याच्या पत्नीने दोन्ही मुलींना देखील कोणासोबततरी पळवून लावले.” काही दिवसांपूर्वी तो घरी परतला तेव्हा त्याला या गोष्टीची माहिती मिळाली. मुलींविषयी विचारले असता नन्हीं देवी त्याच्यासोबत भांडण करू लागली. “माझी पत्नी मला झोपेची गोळी देऊन परपुरुषांशी बोलायची” असा आरोप अखिलेशने केला आहे.अखिलेशच्या म्हणण्यानुसार, नन्हीं देवी त्याच्या गैरहजेरीत अनेक लोकांशी फोनवर बोलत असे आणि त्यांना घरी बोलवत असे. आरोपीने असाही आरोप केला आहे की, “कधी कधी ती जेवणात झोपण्याच्या गोळ्या मिसळून देत होती. जेव्हा तो झोपायचा, तेव्हा ती लोकांना घरी बोलवायची.” अखिलेशने पोलिसांना सांगितले की, ३ जून रोजी त्याची पत्नी माहेरी जाण्यासाठी निघाली होती. “ती कोणासोबत तरी पळण्याच्या तयारीत होती. ती जबरदस्तीने तिच्या माहेरच्या लोकांसोबत जात होती.”

माहिती मिळाल्यावर तो आणि त्याचा भाऊ अरविंद रस्त्यात पोहोचले आणि तिला समजावण्याचा प्रयत्न केला, पण नन्हीं देवी ऐकत नव्हती. त्यामुळे रागाच्या भरात त्याने भावाच्या मदतीने तिची हत्या केली.त्याने हत्येसाठी वापरलेले शस्त्र एका शेतात लपवून ठेवले होते. पोलिसांनी घटनास्थळावरून दोन बांका नावाचे शस्त्र(उस तोडणीचा चाकू) जप्त केले आहेत. पोलिसांनी आरोपींना अटक करून त्यांची वैद्यकीय तपासणी केली आणि नंतर त्यांना तुरुंगात पाठवले.पोलिस ठाण्याचे प्रभारी प्रकाश सिंह यांनी सांगितले की, ” महिलेची हत्या करणाऱ्या दोन्ही आरोपींना अटक करून तुरुंगात पाठवण्यात आले आहे.”या घटनेमुळे परिसरात खळबळ उडाली असून पोलीस पुढील तपास करत आहेत. आरोपी पती पत्नीच्या चारित्र्यावर संशय घेत होता, ज्यामुळे त्याने हे टोकाचे पाऊल उचलले. या घटनेने कौटुंबिक संबंधांमधील विश्वास आणि समजूतदारपणा किती महत्त्वाचा आहे, हे पुन्हा एकदा अधोरेखित केले आहे.