पत्नीचा राग काढला थेट दिल्लीच्या मुख्यमंत्र्यांवर; रेखा गुप्ता यांना जीवे मारण्याची धमकी, एकाला अटक.

दिल्लीच्या मुख्यमंत्री रेखा गुप्ता यांना जीवे मारण्याची धमकी मिळाल्याने खळबळ उडाली होती. पोलिसांनी तत्काळ कारवाई करत गाझियाबादमधून आरोपीला अटक केली आहे.दिल्लीच्या मुख्यमंत्री रेखा गुप्ता यांना जीवे मारण्याची धमकी आल्याने मोठी खळबळ उडाली. आता पोलिसांनी जीवे मारण्याची धमकी देणाऱ्याच्या मुसक्या आवळल्या आहेत. दिल्ली पोलिसांनी गाझियाबादमधून एकाला अटक केलीये. पोलिसांनी धमकीचा फोन आल्यानंतर ही बाब गांभीर्याने घेतली. आरोपीने दारूच्या नशेत फोन केल्याचे सांगितले जात आहे. आरोपीने पोलिसांना सुरूवातीला उडवाउडवीची उत्तरे दिली. हेच नाही तर काही धक्कादायक कागदपत्रेही त्याच्याकडे सापडली आहेत. सध्या आरोपीची कसून चाैकशी केली जात आहे.मिळालेल्या अधिक माहितीनुसार, दिल्लीच्या मुख्यमंत्री रेखा गुप्ता यांना जीवे मारण्याची धमकी देण्यात आली. पोलिसांनी गाझियाबादमधून एकाला अटक केली. आरोपीने दारूच्या नशेत धमकीचा फोन केल्याचे सांगितले, परंतु पोलीस या प्रकरणाची अधिक गांभीर्याने चौकशी करत आहेत.

दिल्लीच्या मुख्यमंत्री रेखा गुप्ता यांना गुरुवारी जीवे मारण्याची धमकी मिळाली.गाझियाबाद पोलीस स्टेशनमध्ये 112 नंबरवर कॉल करून ही धमकी देण्यात आली होती. हेच नाही तर जीवे मारण्याची धमकी दिल्यानंतर आरोपीने आपला फोन नंबर देखील बंद केला. दिल्ली पोलीस आणि गाझियाबाद पोलीस यांच्याकडून धमकीचा कॉल करणाऱ्या व्यक्तीचा शोध घेण्यात आला. ज्यावेळी पोलिसांनी आरोपीच्या मुसक्या आवळल्या, त्यावेळी त्याने सांगितले की ज्यावेळी त्याने फोन केला होता, त्यावेळी तो दारूच्या नशेत होता.पोलिसांनी त्याला विचारले असता, त्याने सांगितले की आपल्याला या कॉलबद्दल काहीही माहिती नाही.

आरोपीचे एलएलबीपर्यंत शिक्षण झाल्याचीही माहिती पुढे आली. आरोपीची पत्नी त्याला सोडून गेल्याने तो मानसिकदृष्ट्या खचल्याची माहिती मिळतंय. पत्नी सोडून गेल्याने त्याला दारूची देखील सवय लागली. दारूच्या नशेतच त्याने दिल्लीच्या मुख्यमंत्री रेखा गुप्ता यांना जीवे मारण्याची धमकी दिली. हेच नाही तर पोलिसांना आरोपीच्या जवळ काही फेक आयडी कार्ड देखील मिळाली. पोलिसांकडून या प्रकरणी कसून तपास हा केला जात आहे.