कुटुंब नैराश्यात, घरात वाईट प्रसंग घडल्यास… सुपेकरांचे मेहुणे शशिकांत चव्हाणांचा पत्रातून इशारा.

शशिकांत चव्हाण यांनी स्पष्टीकरण देताना, ‘माझ्या कुटुंबात जर काही वाईट प्रसंग झाला, तर त्याला खोट्या बातम्या पसरवणारे जबाबदार असतील’ असं म्हटलं वैष्णवी हगवणे प्रकरणात वारंवार नाव येत असलेल्या जालिंदर सुपेकर यांचे मेहुणे शशिकांत चव्हाण हेसुद्धा आता अडचणी सापडले आहेत. खडक पोलीस स्टेशनचे वरिष्ठ पोलीस निरीक्षक असणाऱ्या शशिकांत चव्हाण यांच्यावर आत्महत्येस प्रवृत्त केल्याप्रकरणी गुन्हा दाखल आहे. तरी त्यांना प्रमोशन कसं मिळालं? त्यांच्या या ‘प्रगती’मागे मेहुणे जालिंदर सुपेकर तर नाहीत ना, यावरून आता नवा वाद पेटला आहे. इतकंच नाही तर शशिकांत चव्हाण यांच्यावर हाणामारी, जीवे मारण्याचा प्रयत्न, ॲट्रॉसिटी प्रकरणी खेड, मंचरमध्ये गुन्हे दाखल आहेत.वैष्णवीच्या आत्महत्येनंतर तिचा सासरा राजेंद्र हगवणे आणि दीर सुशील हगवणे फरार झाले होते. त्यांनी फरार होण्यासाठी जी थार गाडी वापरली होती, ती गाडी सुयश चोंधे आणि संकेत चोंधे यांची होती. यापैकी सुयश चोंधे याची पत्नी धनश्री चोंधे हिने सुयश चोंधे आणि इतर चोंधे कुटुंबातील सदस्यांवर छळवणुकीचा गुन्हा दाखल केला होता. मात्र ही केस शशिकांत चव्हाण यांच्या पोलीस स्टेशनला होती. यावर कोणतीच कारवाई करण्यात आली नसल्याचा आरोप धनश्री चोंधे यांनी केला होता. या प्रकरणानंतर शशिकांत चव्हाण यांचं नाव समोर आलं होतं.आता सातत्याने होत असणाऱ्या सर्व आरोपांवर शशिकांत चव्हाण यांनी स्पष्टीकरण दिलं आहे.

मात्र स्पष्टीकरण देताना, ‘माझ्या कुटुंबात जर काही वाईट प्रसंग झाला, तर त्याला खोट्या बातम्या पसरवणारे जबाबदार असतील’ असं म्हटलं. ‘प्रसारमाध्यमातून सातत्याने माझ्यावर होणाऱ्या बातम्यांसह आरोपांमुळे माझे संपूर्ण कुटुंबीय नैराश्यात गेले आहे. त्यामुळे माझ्या घरात एखादा वाईट प्रसंग घडल्यास अशा खोट्या बातम्या पसरवणारे माननीय व त्यांना साथ देणारे जबाबदार राहतील’ असं शशिकांत चव्हाण यांनी स्पष्टीकरण देताना म्हटलं आहे.प्रसार माध्यमांमध्ये चर्चेत असलेला माझ्यावर दाखल झालेला गुन्हा रजिस्ट्रर नंबर 818/2020 भा.दं.वि. 307 प्रमाणे हा मी दाखल केलेल्या गुन्ह्यातील आरोप असलेले राजेंद्र घनवट याचे वडील माननीय पोपट घनवट यांनी दाखल केला होता. सदर प्रकाराबाबत दि. 7/7/2020 रोजी पोपट घनवट यांच्या तक्रारीवरुन अदखलपात्र गुन्हा रजि. नं. 1521/2020 दि. 8/7/2020 रोजी दाखल करण्यात आला होता. त्यामध्ये मिरा गुलाब सोनवणे, गौतमी प्रविण रोकडे यांनी त्याला हाताने मारहाण करुन शिवीगाळ केली असे नमूद केले होते.सदर घटनेत पोपट घनवट यांना कोणतीही जखम नसताना पुन्हा त्याच घटनेबाबत दि. 14/7/2020 रोजी गुन्हा रजिस्ट्रर नंबर 818/2020 भा.दं.वि. 307 प्रमाणे जीवे मारण्याचा प्रयत्न केला यासारखा गंभीर गुन्हा दाखल करण्यात आला आहे. त्यामध्ये मिरा गुलाब सोनवणे, गौतमी रोकडे, राजू रकम सोनवणे, राहुल सोनवणे, मिलिंद सोनवणे, बबन काशिनाथ सोनवणे व इतर 2 अनोळखी इसमांविरुद्ध तक्रार केली व त्यांना मी फूस लावली आहे.

पोपट घनवट याने स्वतःच उच्चार करुन माझे नाव सदर गुन्ह्यात टाकायला लावले आहे. आरोपीपैकी कोणीही माझ्या नावाचा उल्लेख केलेला नाही. सदर प्रकार हा पाईट खेड येथे झाला होता. व मी त्यावेळी कोविड काळात सातारा येथे होतो. त्यामुळे सदर गुन्ह्याशी माझा कसलाही संबंध नाही. तसे मी तपासी अधिकारी व कोर्ट यांना माझे म्हणणे सादर केले आहे. सदर बाब न्यायप्रविष्ठ आहे.फिर्यादी असलेल्या गुन्ह्यामध्ये मृत व्यक्तीच्या नावावर माननीय राज घनवट याने त्याचा अंगठा उमटवला आहे, असा सीआयडीने अहवाल दिला आहे. सदर गुन्ह्यात फिर्यादी म्हणून माझ्यावर दबाव आणण्यासाठी माननीय राज घनवट, माननीय पोपट घनवट यांनी वेळोवेळी आरोप केले आहेत.तब्बल 10 गुन्हे केल्याचे निदर्शनाला आल्याने ज्यांच्याविरुद्ध विविध पोलीस स्टेशनमध्ये गुन्हे दाखल झाले आहेत, असे माननीय पोपट घनवट याचे तक्रारीवरुन माझे, माझी पत्नी, वडील यांच्या बिल्डींग व्यवसाय व उत्पन्नाची उघड चौकशीही झाली आहे. माझ्या कुटुंबाच्या उत्पन्नाचे सर्व स्त्रोत हे पडताळून पाहिल्यावर माझ्याकडे अथवा माझे कुटुंबाकडे अपसंपदा मिळून आली नाही. तसेच यापूर्वी माझ्यावर दाखल झालेल्या गुन्ह्यामध्ये कोर्टाने स्वतः पडताळणी करून काहीही तथ्य नसल्याचा अहवाल मंजूर केला आहे.प्रसार माध्यमातून सातत्याने माझ्यावर होणाऱ्या बातम्यांसह आरोपांमुळे माझे संपूर्ण कुटुंबीय नैराश्यात गेले आहे. त्यामुळे माझ्या घरात एखादा वाईट प्रसंग घडल्यास अशा खोट्या बातम्या पसरवणारे माननीय व त्यांना साथ देणारे जबाबदार राहतील.पोलिसांना तुमच्या मदतीची गरज आहे. पोलीसांचे मनोधैर्य खच्ची झाल्यास त्याचे सामाजिक आरोग्यावर दुरगामी परिणाम नक्कीच होणार. आपण सुज्ञ आहात, सत्यमेव जयते, जयहिंद, जय महाराष्ट्र