घरी एकटेच, बायको आणि मुलगी गावाला, भर दुपारी दार लावलं अन्… पुण्यात शिवाजीनगर पोलीस लाईनमध्ये खळबळ.

 पुण्यात खळबळजनक घटना घडली आहे. शिवाजीनगर पोलीस लाईनमध्ये राहणाऱ्या एका पोलीस कर्मचाऱ्याने आत्महत्या केली. ते खडक पोलीस ठाण्यात कार्यरत होते. त्यांच्या आत्महत्येचे कारण अद्याप अस्पष्ट आहे. पुण्यातल्या शिवाजीनगर पोलीस लाईन मध्ये राहणारे आणि खडक पोलीस ठाण्यात कार्यरत असलेले पोलीस कर्मचाऱ्याने राहत्या घरात गळफास घेऊन आत्महत्या केल्याचा प्रकार समोर आला आहे. या घटनेने एकाच खळबळ उडाली आहे. सचिन हरीश्चंद्र सुर्वे असे पोलीस कर्मचाऱ्याचे नावं असून शुक्रवारी दुपारी राहत्या घरी ही घटना घडली आहे. आत्महत्येचे नेमके कारण अद्याप समोर आलेले नाही.

या प्रकरणी शिवाजीनगर पोलिसांनी अकस्मात मृत्यूची नोंद केली आहे. त्यांची कोंढवा येथे बदली झाली असल्याने त्यांनी हे टोकाचे पाऊल उचलले असावे अशी परिसरात चर्चा आहे.याबाबत मिळलेली माहिती अशी की, सचिन सुर्वे हे शिवाजीनगर येथे पोलीस वसाहतीतील नवीन बिल्डिंग येथे राहत होता. त्यांची पत्नी आणि मुलगी गावी गेल्याने ते घरी एकटेच असल्याची माहिती समोर येत आहे. सुर्वे यांनी शुक्रवारी दुपारी त्यांनी गळफास घेतल्याची माहिती मिळताच शिवाजीनगर पोलीस घटनास्थळी दाखल झाले. त्यांनी सुर्वे यांचा मृतदेह ताब्यात घेत शवविच्छेदनासाठी ससून रुग्णालयात पाठवला. पोलिसांनी सुर्वे यांच्या कुटुंबियांना या घटनेची माहिती दिली आहे.

सुर्वे यांची मुलगी दहावीमध्ये शिकत आहे.सचिन सुर्वे यांच्या आत्महत्येमुळे त्यांच्या कुटुंबियांना मोठा धक्का बसला आहे. त्यांच्या सहकाऱ्यांनाही या घटनेने धक्का बसला असून, त्यांच्या आत्महत्येमागील कारणांचा शोध घेण्यासाठी पोलीस तपास करत आहेत. मात्र, पोलिसांनी याबाबत कोणतीही ठोस माहिती अद्याप जाहीर केलेली नाही.या घटनेने पुण्यातील पोलीस दलात शोककळा पसरली आहे. सचिन सुर्वे यांच्या आत्महत्येचा तपास करताना पोलिसांनी त्यांच्या सहकाऱ्यांचे आणि कुटुंबियांचे जबाब नोंदवण्यास सुरुवात केली आहे. यासोबतच त्यांच्या वैयक्तिक आणि व्यावसायिक जीवनातील तणावाबाबतही चौकशी सुरू आहे.