पहिली कंटाळली, दुसरी वैतागली अन् तिसरीही सोडून गेली, तीन लग्न केलेल्या नराधमाने रागाच्या भरात १ वर्षाच्या लेकीला…

सुरेश दोरे हा देवमाळ ठाकुरवाडी येथे राहत होता. तो त्याच्या चार मुलांसोबत राहत होता. सुरेश दोरे याने तीन लग्नं केली होती. पण त्याच्या रागीट स्वभावामुळे दोन पत्नी त्याला सोडून गेल्या. तिसरी पत्नी विमल देखील त्याला सोडून गेली आहे. ती दीड महिन्यापूर्वी त्याला सोडून गेली. विमलची चार मुले मात्र सुरेश दोरे यांच्याकडेच राहत होती.अमूलकुमार जैन, रायगड : रायगड जिल्ह्यातील पेण तालुक्यात धक्कादायक घटना घडली आहे. एका निर्दयी बापाने आपल्याच एक वर्षाच्या मुलीची हत्या केली. सुरेश दोरे असं आरोपी बापाचं नाव आहे. त्याने चिमुकलीला जमिनीवर आपटून मारलं. ही घटना 1 जून 2025 रोजी सायंकाळी 5 वाजता घडली. आरोपी सुरेश दोरे याला पोलिसांनी अटक केली आहे. वडखळ पोलीस ठाण्यात या घटनेची तक्रार दाखल करण्यात आली आहे. कमली हिरामण दोरे यांनी ही तक्रार दाखल केली आहे. त्या आरोपी सुरेश दोरे याच्या नातेवाईक आहेत. पोलिसांनी सुरेश दोरे याच्या विरोधात गुन्हा दाखल केला आहे.पोलिसांनी दिलेल्या माहितीनुसार, सुरेश दोरे हा देवमाळ ठाकुरवाडी येथे राहत होता. तो त्याच्या चार मुलांसोबत राहत होता.

सुरेश दोरे याने तीन लग्नं केली होती. पण त्याच्या रागीट स्वभावामुळे दोन पत्नी त्याला सोडून गेल्या. तिसरी पत्नी विमल देखील त्याला सोडून गेली आहे. ती दीड महिन्यापूर्वी त्याला सोडून गेली. विमलची चार मुले मात्र सुरेश दोरे यांच्याकडेच राहत होती. सुरेश दोरेचा स्वभाव खूप रागीट असल्याने त्याचे कोणाशीही जमत नव्हते. त्याच्या रागाचा फटका त्याच्या मुलांना बसत होता. 1 जून 2025 रोजी त्याने रागाच्या भरात त्याच्या एक वर्षाच्या मुलीला जमिनीवर आपटले. यात तिचा मृत्यू झाला.या घटनेची माहिती मिळताच पोलिसांनी घटनास्थळी धाव घेतली. पेणचे उपविभागीय पोलीस अधिकारी गजानन टोपे यांनी घटनास्थळाची पाहणी केली. पोलिसांनी आरोपी सुरेश दोरे याच्या विरोधात गुन्हा दाखल केला आहे. वडखळ पोलीस स्टेशनमध्ये CR No. 59/2025, भारतीय न्याय संहिता, 2023 च्या कलम 103 (1) आणि JJ Act (Juvenile Justice Act), मुलांची काळजी आणि संरक्षण अधिनियम, 2015 च्या कलम 75 नुसार गुन्हा दाखल करण्यात आला आहे. पोलीस निरीक्षक प्रसाद पांढरे यांच्या मार्गदर्शनाखाली पोलीस उपनिरीक्षक विजय जाधव अधिक तपास करत आहेत.आरोपी सुरेश दोरे याला 1 जून 2025 रोजी रात्री 11:53 वाजता अटक करण्यात आली. त्याला न्यायालयात हजर केले असता, न्यायालयाने त्याला पाच दिवसांची पोलीस कोठडी सुनावली आहे. “आरोपी याची प्रकृती स्थिर नसल्याने त्यास प्रथम अधिक उपचारासाठी अलिबाग येथील जिल्हा शासकीय रुग्णालयात दाखल करण्यात आले. मात्र त्याच्या प्रकृतीत सुधारणा होत नसल्याने त्यास मुंबई येथील रुग्णालयात दाखल करण्यात आले आहे,” अशी माहिती पोलीस निरीक्षक प्रसाद पांढरे यांनी दिली आहे.