बेंगळुरू चेंगराचेंगरी प्रकरणात पोलिसांची मोठी कारवाई, विराट-अनुष्काच्या जवळच्या मित्राला अटक.

चिन्नास्वामी स्टेडियमजवळ झालेल्या चेंगराचेंगरीप्रकरणी रॉयल चॅलेंजर्स बंगळुरू इव्हेंट मॅनेजमेंट कंपनी डीएनए एंटरटेनमेंट प्रायव्हेट लिमिटेड, कर्नाटक राज्य क्रिकेट असोसिएशन आणि इतरांविरुद्ध एफआयआर दाखल करण्यात आला आहे. एफआयआरमध्ये सदोष मनुष्यवधासारखे गंभीर आरोप करण्यात आले आहेत. त्याचवेळी कर्नाटकच्या मुख्यमंत्र्यांनी अटक करण्याचे आदेश जारी केले आहेत.चिन्नास्वामी स्टेडियमजवळ झालेल्या चेंगराचेंगरीप्रकरणी रॉयल चॅलेंजर्स बंगळुरू इव्हेंट मॅनेजमेंट कंपनी डीएनए एंटरटेनमेंट प्रायव्हेट लिमिटेड, कर्नाटक राज्य क्रिकेट असोसिएशन आणि इतरांविरुद्ध एफआयआर दाखल करण्यात आला आहे. एफआयआरमध्ये सदोष मनुष्यवधासारखे गंभीर आरोप करण्यात आले आहेत. त्याचवेळी कर्नाटकच्या मुख्यमंत्र्यांनी अटक करण्याचे आदेश जारी केले आहेत.या आदेशानुसार पहिली अटक करण्यात आली आहे. पोलिसांनी बेंगळुरू विमानतळावरून आरसीबीचे मार्केटिंग प्रमुख निखिल सोसाळे यांना अटक केली आहे.

वृत्तानुसार, पोलिसांनी आणखी तीन जणांना ताब्यात घेतले आहे. या सर्वांची क्यूबन पोलिस स्टेशनमध्ये सखोल चौकशी सुरू आहे. बेंगळुरुवरुन मुंबईकडे येत असताना विमानतळावरच अटक केली. निखिल सोसाळे हा विराट कोहली आमि अनुष्का शर्मा यांच्या जवळचा मित्र आहे.आरसीबीने पहिल्यांदाच आयपीएल जेतेपद जिंकल्याच्या उत्सवात सामील होण्यासाठी बुधवारी चिन्नास्वामी स्टेडियमबाहेर लाखो चाहते जमले होते. या दरम्यान, चेंगराचेंगरीत 11 जणांचा मृत्यू झाला आणि 56 जण जखमी झाले. प्रकरण तपासासाठी सीआयडीकडे सोपवण्यात आले. अधिकाऱ्यांनी सांगितले की, पोलिस निरीक्षकाच्या तक्रारीनंतर क्यूबन पार्क पोलिस ठाण्यात एफआयआर दाखल करण्यात आला आहे. एफआयआरमध्ये आरसीबीला आरोपी क्रमांक 1, डीएनए एंटरटेनमेंट प्रायव्हेट लिमिटेडला आरोपी क्रमांक 2 आणि कर्नाटक राज्य क्रिकेट असोसिएशन प्रशासकीय समितीला आरोपी क्रमांक 3 असे नाव देण्यात आले आहे.एफआयआरमध्ये असा दावा करण्यात आला आहे की कार्यक्रम आयोजित करण्यासाठी आवश्यक परवानगी घेण्यात आली नव्हती. आरसीबी, डीएनए इव्हेंट मॅनेजमेंट फर्म आणि राज्य क्रिकेट असोसिएशनने आवश्यक परवानगीशिवाय विजय साजरा केला. आरसीबीने त्यांच्याविरुद्ध दाखल केलेल्या एफआयआरनंतर कायदेशीर कारवाईला सहकार्य करेल असे म्हटले आहे. या प्रकरणात यापूर्वी मुख्यमंत्री सिद्धरामय्या यांनी बंगळुरूतील चेंगराचेंगरीसाठी पोलिसांना जबाबदार धरले होते. त्यामुळे पोलिस आयुक्तांसह अनेक अधिकाऱ्यांना निलंबित करण्यात आले होते. नंतर कर्नाटकचे आयपीएस अधिकारी सीमांत कुमार सिंग यांची बंगळुरूचे नवे पोलिस आयुक्त म्हणून नियुक्ती करण्यात आली.