सुधाकर बडगुजर यांची ठाकरेसेनेतून हकालपट्टी, भर पत्रकार परिषदेत संजय राऊतांचा फोन, नेमकं काय घडलं?

राज्याच्या राजकारणातून मोठी बातमी समोर आली आहे. नाशिकमध्ये शिवसेना ठाकरे गटाचे नेते सुधाकर बडगुजर यांची पक्षामधून हकालपट्टी करण्यात आली आहे. मागील दोन दिवसापासून नाशिक जिल्ह्यातील राजकारणामध्ये सर्वात महत्त्वाचा विषय म्हणून चर्चेत असणारे शिवसेनेचे उपनेते आणि माजी जिल्हाप्रमुख, माजी नगरसेवक सुधाकर बडगुजर भाजपचे नेते आणि मुख्यमंत्री देवेंद्र फडणवीस यांना भेटले होते. त्या वेळेपासून ते पक्ष सोडणार अशा स्वरूपाच्या चर्चा होतात.पत्रकार परिषद सुरू असताना सहसंपर्कप्रमुख दत्ता गायकवाड यांच्या मोबाईल वरती मुंबईवरून खासदार संजय राऊत यांनी फोन करून पक्षविरोधी कारवाया केल्यामुळे सुधाकर बडगुजर यांची पक्षातून हकालपट्टी करण्यात आल्याची माहिती दिली आणि त्याची घोषणा यावेळी करण्यात आली आहे.

यासंदर्भामध्ये पक्षाची भूमिका स्पष्ट करण्यासाठी म्हणून शिवसेना कार्यालयात जिल्हा प्रमुख डी.जी. सूर्यवंशी, महानगर प्रमुख विलास शिंदे, सहसंपर्कप्रमुख दत्ता गायकवाड, नेते सुनील बागुल, माजी महापौर विनायक पांडे, यांच्यासह अन्य पदाधिकारी उपस्थित होते.सुधाकर बडगुजर यांनी मुख्यमंत्री देवेंद्र फडणवीस यांची भेट घेतली होती .यावरून खासदार संजय राऊत यांनी बोलताना संशयास्पद वातावरण होईल अशा भेटी टाळायच्या असतात. बडगुजर हे नाशिकची शिवसेना नसल्याचं संजय राऊत यांनी म्हटलं होतं. बडगुजर यांनी कारवाई झाल्यावर आपली प्रतिक्रिया दिली आहे.

हकालपट्टीचा निर्णय हा एकतर्फी घेतल्याचं ते म्हणालेत.पक्षात नाराजी व्यक्त करणं हा काही गुन्हा नाही. पक्षाने जी कारवाी केली आहे, त्याला मी योग्यवेळी उत्तर देतील. मी आज नाशिकबाहेर पूर्वनियोजित दौरा असल्याने मला पक्षाच्या पत्रकार परिषदेला उपस्थित राहिलो नाही. मी आता यावर काही बोलणार नाही, वेळ आली की सांगेल. पक्षामध्ये झालेल्या बदलांबदल मी नाराजी व्यक्त केलेली होती. पक्षप्रमुखांनी संधी दिली असती तर भेटलो असतो पण हकालपट्टी केल्याने आता काही भेटायचा प्रश्न उरलेला नाही. जाहीरपणे मत व्यक्त करणं हा गुन्हा नाही. पक्षात जे नाराज नेते होते ते वेळोवेळी नाराज आहेत. मी त्यांची नावे जाहीर करणार नाही. हकालपट्टीचा निर्णय हा एकतर्फी असल्याचं सुधाकर बडगुजर यांनी म्हटलं आहे.