महाराष्ट्राला यंदा पाऊस झोडपणार; सर्वाधिक कोणत्या जिल्ह्यात कोसळणार? असा आहे हवामान अंदाज.

‘जुलै महिन्यात पावसाचे प्रमाण अधिक राहील. जून, जुलै महिन्यात धुळे, राहुरी, परभणी, निफाड, अकोला पाडेगाव आणि कोल्हापूर येथे पावसात मोठा खंड पडण्याची शक्यता आहे. दापोली, पुणे, नागपूर, सोलापूर, जळगाव, धुळे व कराड येथे खंडाचा कालावधी कमी राहणार आहे,’ असे डॉ. साबळे यांनी सांगितले.‘प्रमाणापेक्षा जास्त पाऊस होत असल्याने पीक उत्पादनावर विपरीत परिणाम होत आहे. हवामान बदलामुळे खंडात्मक पर्जन्यमानात मोठे बदल झाले आहेत. काही ठिकाणी जोरदार पाऊस, तर काही ठिकाणी कमी प्रमाणात पाऊस, असा मान्सून असल्याने शेतकऱ्यांनी पीक पेरणी पद्धतीत बदल करावा,’ असे डॉ. रामचंद्र साबळे यांनी सांगितलं आहे.मुंबई आणि उपनगरात हलका ते मध्यम पाऊस पडण्याची शक्यता हवामान खात्याने वर्तवली आहे. त्याचबरोबर, आज समुद्राला मोठी भरती येणार आहे. आज दिवसभर आकाश अंशतः ढगाळ राहील. त्यामुळे, शहरात आणि उपनगरात कधीही हलका ते मध्यम पाऊस पडू शकतो, असा अंदाज वर्तवण्यात आला आहे.