काहीही झालं तरी चालेल पण, वादाचा एंड..; रायगडच्या पालकमंत्रिपदावरुन शिंदेंच्या शिलेदारांनी तटकरेंना ललकारले.

भरतशेठ गोगावले आणि सुनिल तटकरे यांच्यातील पालकमंत्रिपदाचा वाद विकोपाला गेला आहे. गोगावले यांच्या वाढदिवशी शिंदेंच्या शिलेदारांनी तटकरेंना ललकारले आहे.कोकणात रायगड जिल्ह्यातील पालकमंत्री पदावरून राष्ट्रवादी व शिवसेना यांच्यामध्ये असलेला वाद हा आता पुन्हा चव्हाट्यावर आला आहे. अजितदादांच्या राष्ट्रवादीचे नेते प्रदेशाध्यक्ष खासदार सुनील तटकरे व शिवसेनेचे नेते मंत्री भरत गोगावले यांच्यामधील पालकमंत्री पदावरून सुरू असलेल्या वाद आता विकोपाला गेला आहे. नुकत्याच राष्ट्रवादीचे एका कार्यक्रमात महाड येथे तटकरे यांनी टॉवेल खांद्यावर घेत गोगावले यांना डीवचण्याचा प्रयत्न केला होता. रविवारी महाड येथे गोगावले यांच्या वाढदिवसानिमित्त आयोजित कार्यक्रमात मुख्यमंत्री एकनाथ शिंदे यांच्या शिलेदारांनी खासदार सुनील तटकरे यांना फटकारले आहे इतकेच नाही तर या वाढदिवसानिमित्त आयोजित कार्यक्रमात कार्यकर्त्यांना व उपस्थितांना पांढराशुभ्र नॅपकिन वाटप करून सुनील तटकरे यांना थेट आव्हान दिले आहे. त्यामुळे आता रायगड जिल्ह्यात सुनील तटकरे व भरत भोगावले यांच्यातील वाद विकोपाला गेल्याच स्पष्ट झाल आहे.भरत शेठ यांच्याविषयी बोलणं आम्ही कदापिही सहन करणार नाही आम्ही आता ही लढाई आतापासून सुरू केली आहे आणि त्याचा एंड आम्ही निश्चित करणार असं थेट आव्हान देत आपण रायगडवासीय ज्या दिवशी आनंदी होऊ की ज्या दिवशी ही रायगडची ही ब्याद रायगड मधुन बाहेर काढू तेव्हाच या रायगडला न्याय मिळेल असं आम्हाला वाटतं.

आणि तोपर्यंत आम्ही शांत बसणार नाही अशी जणू प्रतिज्ञाच व्यासपीठावरून एकनाथ शिंदे यांचे शिलेदार आमदार महेंद्र दळवी, आमदार महेंद्र थोरवे यांनी केली.अलिबागचे आमदार महेंद्र दळवी पुढे म्हणाले की, काही झालं तरी चालेल पण आमचे नेते भरतशेठ पालकमंत्री होणार ही आमची शपथ निश्चित आहे आणि ती पूर्ण केल्याशिवाय आम्ही गप्प बसणार नाही मग भले मागच्यासारख काही अदलाबदल करायला लागली तरी चालेल पण आम्ही जिद्द सोडणार नाही. अशा थेट इशारा दिला. असे बावळट नेते किती जरी बोलले तरी त्यांना बाजूला ठेवण्याची ताकद या दोन महेंद्र आणि एका धर्मेंद्र मध्ये निश्चित आहे कारण आम्ही रायगडचे मावळे आहोत हाच संदेश या ठिकाणी देतो. असे म्हणत तटकरेंना महेंद्र दळवी यांनी ललकारल आहे.येत्या जिल्हा परिषद पंचायत समिती नगरपरिषदा निवडणुकीत काही झालं तरी चालेल पण आम्ही सगळ्या ताकदीनिशी निवडणुकीत उतरणार आहोत असं सांगत त्यांना सोडून आपण सगळ्यांनी एकत्र ही निवडणूक लढायची आहे. त्यासाठी काही झालं तरी चालेल कोणाचाही आदेश पाळला जाणार नाही मग त्याच्यामध्ये काही घडलं तरी चालेल ही ताकद आपली निश्चित आहे. रायगड मध्ये तीन आमदार शिवसेनेचे व तीन आमदार भाजपाचे आहेत त्यामध्ये भरतशेठ आमचे मंत्री आहेत या निवडणुकीत आम्ही सगळे तयारीशी उतरणार आहोत कुणीही शंका घ्यायचं कारण नाही.

थेट सुनील तटकरे हेच आमच्या समोरचे राजकीयदृष्ट्या टार्गेट आहेत असेही स्पष्टपणे सांगत अलिबागचे आमदार महेंद्र दळवी यांनी या कार्यक्रमात आगामी निवडणूक ही रायगड जिल्ह्यात सुनील तटकरे विरुद्ध भरत गोगावले अशीच होईल असं जाहीर केला आहे.कर्जतचे शिवसेनेचे आमदार महेंद्र थोरवे व सुनील तटकरे यांच्यातील वादही जुना आहे त्यांनीही भरतशेठ पालकमंत्री होणारच असं सांगत अजितदादांच्या राष्ट्रवादीचे खासदार सुनील तटकरे यांच्यावर जोरदार टीका केली आहे.शिवसेनेचे युवा नेते रामदास कदम यांचे सुपुत्र गृहराज्यमंत्री योगेश कदम यांनीही याच विषयाचा धागा पकडत मंत्री गोगावले यांच्या कार्यपद्धतीचे कौतुक करत महाडचे मैदान गाजवलं आहे. आमचे मार्गदर्शक मंत्री भरतशेठ गोगावले यांना वाढदिवसाची एकच भेट आहे ती आम्ही देऊ शकत नाही ती तुम्हीच द्या असं सांगत व्यासपीठावरूनच थेट शिवसेनेचे नेते उपमुख्यमंत्री एकनाथ शिंदे यांच्याकडे मंत्री भरत गोगावले यांना पालकमंत्री पद दयावे अशी थेट मागणी केली आहे.त्यामुळे या सगळ्या पार्श्वभूमीवर पुन्हा एकदा जाहीर व्यासपीठावरून खासदार सुनील तटकरे यांना लक्ष करत भरत गोगावले यांच्यासाठी शिंदेंच्या शिलेदारांनी केलेली मागणी यावर आता महायुतीचे नेते मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजितदादा पवार रायगडच्या पालकमंत्री पदाबाबत कोणती भूमिका घेतात हे पाहणं सगळ्यात महत्त्वाचे ठरणार आहे.