हिंदु जनजागृती समितीची आंदोलनाद्वारे मागणी बांगलादेशा बरोबरचे सर्व क्रिकेट सामने तात्काळ रद्द करा !

हिंदु जनजागृती समितीची आंदोलनाद्वारे मागणी बांगलादेशा बरोबरचे सर्व क्रिकेट सामने तात्काळ रद्द करा !

धरणगाव तालुका प्रतिनिधी – राजु बाविस्कर  जळगाव : बांगलादेशासोबत भारताचे क्रिकेटचे दोन कसोटी सामने आयोजित करण्यात आले असून त्यातील पहिला सामना चेन्नई येथे १९ सप्टेंबर २०२४ पासून सुरु झाला आहे, तर दुसरा कसोटी सामना २७ सप्टेंबर २०२४ ला कानपूरमध्ये होणार आहे, अशी माहिती वृत्तवाहिन्या आणि वृत्तपत्र यांतील बातम्यांमधून समोर आली आहे. ही अत्यंत चीड आणणारी बाब आहे. क्रिकेट खेळणे म्हणजे ‘रोम जळत असतांना नीरो फिडल वाजवत होता’, असा हा प्रकार आहे. बांगलादेशातील हिंदूंवरील अत्याचार अद्यापही चालू आहेत. तेथील शेकडो हिंदूंच्या चिता अद्याप शांत झालेल्या नसतांना अशा प्रकारचे क्रिकेटचे सामने आयोजित करणे हा हिंदूंच्या जखमेवर मीठ चोळण्याचा संतापजनक प्रकार आहे, त्यामुळे बीसीसीआईने बांगलादेशाबरोबरचे सर्व क्रिकेट सामने तात्काळ रद्द करावे, या मागणीसाठी हिंदु जनजागृती समितीच्या वतीने हातात फलक धरून शिवतीर्थ, कोर्ट चौकात निदर्शने करण्यात आली. आंदोलनानंतर या मागणीचे निवेदन जिल्हाधिकारी कार्यालयाच्या माध्यमातून मा. पंतप्रधान, मा केंद्रीय क्रीडामंत्री, मा. परराष्ट्रमंत्री, तसेच बीसीसीआईचे अध्यक्ष यांना पाठवण्यात आले.

हातात धरलेल्या फलकांवर

१ . बांगलादेशी हिंदूंच्या वेदना बीसीसीआयला दिसत नाहीत का ???,

२ .क्रिकेट श्रोत्यांनो लक्षात घ्या,  धर्मदोही – राष्ट्रद्रोही बीसीसीआयचा धिक्कार करा !!,

३ . बीसीसीआयने बांगलादेशशी क्रिकेटचे सामने खेळवणे म्हणजे, 100 कोटी हिंदूंच्या भावनांना लाथ मारणे  !!,

४ . For BCCI… #Black_Lives_matter but #Hindu_lives_DON’T_matter,

५ . SHAME on you BCCI !!,

६ . बांगलादेश सोबत क्रिकेटला समर्थन देणे म्हणजे तेथील निष्पाप हिंदूंचा विश्वासघात करणे !!

या प्रकारच्या घोषणा लिहिल्यात आलेल्या होत्या.