Rajendra Nikam
शहरातील प्रसिद्ध उद्योजक संतोष लड्डा यांच्या घरात कोट्यावधी रुपयांचं सोनं असल्याची टीप दरोडेखोरांना देणारा आरोपी अखेर गुन्हे शाखेच्या जाळ्यात अडकला. दरोडा टाकण्यापूर्वी आरोपींनी रेकी करण्यासाठी वापरलेले वाहन पोलिसांनी जप्त केले आहे. टीप देणाऱ्याला अटक केल्यामुळे ज्या प्रकरणात आणखी नवनवीन खुलासे होण्याची शक्यता आहे.देविदास नाना शिंदे वय 50 रा.शिवाजीनगर वडगाव कोल्हाटी असं अटक करण्यात आलेल्या आरोपीचे नाव आहे. देविदास कुटुंबासह वडगाव कोल्हाटी भागात राहून स्कूल बसवर चालक म्हणून काम करतो.
झटपट लखपती होण्यासाठी देविदास भोंदूगिरी करतो. धन दुप्पट करून देतो असतो परिचयातील लोकांना सांगत असतो. यातूनच देविदास ला प्रसिद्ध उद्योगपती संतोष लढ्ढा यांच्या घरात १० कोटी रुपयांचं काळधन असल्याची माहिती मिळाली.देविदास ची योगेश हजबे सोबत मैत्री असल्याने त्यांनी ही माहिती त्याला दिली. इथूनच लड्डा यांच्या घरावर दरोडा टाकण्याचा प्लॅन सुरू झाला. लढा यांच्या घरात असलेल काळदन लुटल्यानंतर लड्डा पोलिसात तक्रार करू शकणार नाही असा समज दरोडेखोरांचा होता.
यातूनच संतोष लढा यांच्या घरावर दरोडा टाकण्यात आला.या दरोड्या प्रकरणी पोलिसांनी अमोल बाबुराव खोतकर या मुख्य आरोपीचे एन्काऊंटर केलं. तर यातील योगेश सुभाष हजबे रा.वडगाव कोल्हाटी, सय्यद अझरुद्दीन सय्यद कबिरोद्दीन रा.रांजणगाव शेणपुंजी, सोहेल जलील शेख रा. अंबाजोगाई, सुरेश रामकिसन गंगणे रा. अंबाजोगाई, महेंद्र माधव बिडवे रा. साजापूर यांना अटक केली होती. मात्र टीप देणारा देविदास शिंदे फरार होता. अखेर गुन्हे शाखेच्या प्रयत्नाला यश आले देविदास शिंदे आला अटक करण्यात आली आहे.
