कोणाची पेन्शन गेली, कोणाची जमापुंजी; बचत योजनांच्या नावे गुंतवणूकदारांना गंडा, पतसंस्थेचा कोट्यवधींचा घोटाळा उघड.

या घोटाळ्यामुळे अनेक गुंतवणूकदार आर्थिक अडचणीत सापडले असून, काहींनी निवृत्तीनंतर मिळालेला सर्व पैसा याच संस्थेत गुंतवला होता. त्यामुळे त्यांच्या पायाखालची जमिन हादरली आहे. प्रशासनाकडे गुंतवणूकदारांनी मागणी केली आहे की, दोषींवर त्वरित कठोर कारवाई करण्यात यावी आणि त्यांच्या जमा रकमेची परतफेड लवकरात लवकर केली जावी.नागपूरच्या इंदोरा परिसरातील उत्थान नागरी सहकारी पतसंस्थेत कोट्यवधी रुपयांचा आर्थिक घोटाळा उघडकीस आला असून, नागरिकांच्या मेहनतीच्या पैशाची फसवणूक झाल्याने गुंतवणूकदारांमध्ये तीव्र संतापाची लाट उसळली आहे. या प्रकरणी जरीपटका पोलिसांनी संस्थेचे अध्यक्ष महेंद्र जनार्दन राऊत यांच्यासह संचालक मंडळातील इतर २० जणांवर फसवणुकीचा गुन्हा दाखल केला आहे.२०१९ ते २०२३ या कालावधीत संस्थेने एफडी (मुदत ठेव) आणि विविध बचत योजनांच्या नावाखाली सामान्य नागरिकांकडून कोट्यवधी रुपये जमा केले. परंतु, नियमानुसार ही रक्कम गुंतवणूकदारांना परत करण्यात आली नाही.

अशी माहिती विशेष लेखापरीक्षक नारायण गाढेकर यांनी त्यांच्या अहवालात दिली आहे. त्यांच्या तक्रारीवरून पोलिसांनी गुन्हा नोंदवला आहे. आणि सध्या या प्रकरणाचा सखोल तपास सुरू आहे.या काळात संस्थेने एजंट्सच्या मदतीने नागरिकांचा विश्वास संपादन केला आणि मोठ्या प्रमाणात निधी जमा केला. मात्र, ही रक्कम संस्थेच्या विकासासाठी वापरण्याऐवजी संबंधित पदाधिकाऱ्यांनी वैयक्तिक फायद्यासाठी वापरल्याचा ठपका आहे. गुंतवणूकदारांना परतावा वेळेवर मिळाला नसल्यामुळे त्यांनी प्रशासनाकडे तक्रार केल्यानंतर घोटाळ्याचा प्रकार उघडकीस आला.

विशेष लेखापरीक्षकांनी पतसंस्थेची सखोल चौकशी केली असता, अनेक आर्थिक अनियमितता समोर आल्या. यावर आधारित पोलिसांनी पुरावे गोळा करणे सुरू केले असून प्रकरणाच्या गांभीर्यामुळे कायदेशीर कारवाईला गती देण्यात आली आहे.या घोटाळ्यामुळे अनेक गुंतवणूकदार आर्थिक अडचणीत सापडले असून, काहींनी निवृत्तीनंतर मिळालेला सर्व पैसा याच संस्थेत गुंतवला होता. त्यामुळे त्यांच्या पायाखालची जमिन हादरली आहे. प्रशासनाकडे गुंतवणूकदारांनी मागणी केली आहे की, दोषींवर त्वरित कठोर कारवाई करण्यात यावी आणि त्यांच्या जमा रकमेची परतफेड लवकरात लवकर केली जावी. सध्या तपास सुरू असून, पोलिसांकडून या प्रकरणात आर्थिक घोटाळा सिद्ध करण्यासाठी कागदोपत्री पुरावे गोळा केले जात आहेत. नागपूरमधील हा एक गंभीर आर्थिक फसवणूक प्रकरण ठरले असून, या प्रकरणाकडे संपूर्ण शहराचे लक्ष लागून राहिले आहे.