आक्रित घडलं! ३ वर्षांच्या चिमुकलीवर बिबट्याने झडप घातली, मामाच्या अंगणात भाची दगावली.

 शुक्रवारी सायंकाळी सात ते आठ वाजेच्या सुमारास शेतवस्तीतील घराच्या अंगणात खेळत होती. मामाच्या गावी खेळण्याचा आनंद घेत असताना अचानकपणे बिबट्याने ऋतुजावर हल्ला केला. यात ऋतुजा गंभीर जखमी झाली होती. ऋतुजाने आरडाओरड केल्यामुळे नातेवाईकांना ही घटना लक्षात आली.आईसह मामाच्या गावी आलेल्या अंगणात खेळताना ३ वर्षांच्या चिमुकलीवर बिबट्याने झडप टाकली. यात चिमुकलीचा दुर्दैवी मृत्यू झाला. ही दुर्दैवी घटना छत्रपती संभाजी नगर जिल्ह्यातील वैजापूर तालुक्यात वळण या गावात शुक्रवारी रात्रीच्या सुमारास घडली. ३ वर्षांच्या चिमुकलीचा बिबट्याच्या हल्ल्यात मृत्यू झाल्याची बातमी वाऱ्यासारखी पसरताच गावकऱ्यांनी हळहळ व्यक्त केली.ऋतुजा सचिन कर्डक वय ३ वर्ष राहणार तांदूळवाडी तालुका गंगापूर असे बिबट्याच्या हल्ल्यात मृत्युमुखी पडलेल्या चिमुकलीचं नाव आहे. या घटनेबाबत स्थानिकांनी दिलेल्या माहितीनुसार, ऋतुजा कर्डक ही मूळ गंगापूर तालुक्यातील आहे.

मात्र काही दिवसांपूर्वी ऋतुजा पतीची आई मामाच्या वैजापूर तालुक्यातील वळण गावी येथे आली होती. ऋतुजाचे मामा शेतवस्तीत राहतात.  दरम्यान, शुक्रवारी सायंकाळी सात ते आठ वाजेच्या सुमारास शेतवस्तीतील घराच्या अंगणात खेळत होती. मामाच्या गावी खेळण्याचा आनंद घेत असताना अचानकपणे बिबट्याने ऋतुजावर हल्ला केला. यात ऋतुजा गंभीर जखमी झाली होती. ऋतुजाने आरडाओरड केल्यामुळे नातेवाईकांना ही घटना लक्षात आली. नातेवाईकांनी तात्काळ ऋतुजाला गंभीर जखमी अवस्थेत वैजापूर तालुक्यातील उपजिल्हा रुग्णालयात दाखल केले. यावेळी डॉक्टरांनी ऋतुजाला तपासून मृत घोषित केले.मामाच्या गावाला आलेल्या ऋतुजाचा बिबट्याच्या हल्ल्यात मृत्यू झाल्याची माहिती वाऱ्यासारखी पसरली. त्यामुळे रुग्णालयात नातेवाईकांसह गावकऱ्यांनी गर्दी केली होती. अवघ्या ३ वर्षांच्या चिमुकलीचा मृत्यू झाल्याचं कळतच तिच्या कुटुंबीयांनी रुग्णालयात टाहो फोडला.

या घटनेमुळे गावात शोककाळा पसरली असून नागरिकांनी हळहळ व्यक्त केली आहे. तसेच यापुढे या घटना टाळण्यासाठी बिबट्याचा बंदोबस्त करावा अशी मागणी नागरिकांनी केली आहे.मानवी वस्तीत वाघ, बिबट्या यांसारख्या हिंस्त्र जनावरांचा वावर अलिकडे वाढला आहे. रात्री दडून हल्ला करणारी हि श्वापदं आता दिवसाढवळ्याही माणसांवर हल्ले करु लागले आहेत. अशा हल्ल्यांमुळे मानवी वस्तीत दहशतीचे वातावरण पसरले आहे. त्यामुळे वनविभागाकडून त्वरित कारवाई व्हावी यासाठी नागरिक संतप्त झाले आहेत.