क्रिकेटर होण्याचे स्वप्न, टॅक्सी चालवून उदरनिर्वाह; आज प्रसिद्ध गायक अन् 180 कोटी रुपयांचा मालक.

आतिफ अस्लमचा जन्म 12 मार्च 1983 रोजी पाकिस्तानातील वझिराबाद येथे झाला.चित्रपट असो की संगीत विश्व या दोन्हीही क्षेत्रात नाव कमवणे कोणासाठीही सोपे काम नाही. पण अनेक दिग्गजांनी त्यांच्या मेहनतीने संघर्ष करून आपले स्थान मिळवले आहे. पाकिस्तानी गायक आतिफ अस्लम याने देखील अफाट मेहनत करत आपले नाव संगीत क्षेत्रात उंचावले. आतिफ अस्लम भारतात देखील खूप लोकप्रिय आहे. आतिफ अस्लमचा जन्म 12 मार्च 1983 रोजी पाकिस्तानातील वझिराबाद येथे झाला. आतिफ अस्लम एकेकाळी आपला उदरनिर्वाह करण्यासाठी स्थानिक टॅक्सी चालवत असे पण आज त्याच्याकडे अफाट संपत्ती आहे.

आतिफ अस्लमने 2005 मध्ये ‘झेहर’ चित्रपटातील ‘वो लम्हे’ या गाण्याने बॉलिवूडमध्ये पदार्पण केले आणि लगेचच ते हिट झाले. त्याच्या आवाजाची जादू भारतीय चाहत्यांवर इतकी चांगली चालली की त्यानंतर त्याला अनेक उत्तम गाण्यांच्या ऑफर मिळाल्या. पण आतिफ अस्लमला गायक नव्हे तर क्रिकेटर व्हायचे होते.आतिफ अस्लमने दिलेल्या एका मुलाखतीत सांगितले होते की, जेव्हा माझ्या भावाने त्याला नुसरत फतेह अली खानशी ओळख करून दिली तेव्हापासून माझे आयुष्य बदलले. नुसरत फतेह अली खानसोबत ओळख झाल्यानंतर आतिफ अस्लम संगीत क्षेत्राच्या जवळ येत गेला. त्यानंतर हळूहळू त्याला गाण्याची आवड निर्माण झाली.

विशेष म्हणजे आतिफ अस्लमने त्याच्या मोकळ्या वेळेत त्याच्या खिशातील पैशातून लिहिलेले एक गाणे रेकॉर्ड केले होते. मी माझे पहिले गाणे ‘आदत’ स्वतःच्या खिशातून पैसे खर्च करून रेकॉर्ड केले. आदत गाण्याचा अपेक्षेपेक्षा चांगला प्रतिसाद मिळाला. त्यामुळे मी एक म्युझिक व्हिडीओ बनवला आणि इथूनच माझी खरी संगीत क्षेत्रातील कारकीर्द सुरु झाली, असं आतिफ अस्लम म्हणाला.आज आतिफ अस्लमला कोणत्याही ओळखीची गरज नाही. त्याच्याकडे संपत्तीचीही कमतरता नाही. अनेक माध्यमांच्या वृत्तानुसार, आतिफ अस्लमकडे 180 कोटी रुपयांची मालमत्ता आहे ज्यामध्ये एक आलिशान बंगला आणि आलिशान गाड्यांचा समावेश आहे. आतिफ अस्लमने 2013 मध्ये सारा भरवानासोबत लग्न केले. सध्या आतिफ अस्लम आणि साराला 2 मुले आणि एक मुलगी आहे.