आधी भावाचं अपहरण केलं अन् नंतर बहिणीवर नराधमांनी केले सामूहिक अत्याचार;

भिंवडीमधून संतापजनक घटना उघडकीस आली आहे. भिवंडीतील एका व्यक्तीचे अपहरण करण्यात आले नंतर त्याच्या बहिणीवर सामूहिक बलात्कार केल्याची घटना उघडकीस आली.भिंवडीमधून संतापजनक घटना उघडकीस आली आहे. भिवंडीतील एका व्यक्तीचे अपहरण करण्यात आले नंतर त्याच्या बहिणीवर सामूहिक बलात्कार केल्याची घटना उघडकीस आली. नराधमांनी आधी भावाचे अपहरण केले, त्याला मारहाण केली. त्यानंतर त्याच्या बहिणीकडे खोटी बतावणी करुन तिला बोलावले आणि तिला निर्जनस्थळी नेत तिच्यावर आळीपाळीने लैंगिक अत्याचार केले. याप्रकरणी सहा नराधमांविरोधात गुन्हा दाखल करण्यात आला आहे.

पोलिसांच्या माहितीनुसार, भिवंडीतील शांतीनगर परिसरात वास्तव्यास असणारी तरुणी तिच्या आतेबहि‍णीकडे गेली असता तिला भावाचे सारखे मिस्डकॉल येत होते. यावेळी तिला रात्री १२ वाजता तिला अचानक जाग आली तेव्हा मोबाईल वरील अनेक मिस्डकॉल पाहून तिने भावाला चौकशीसाठी फोन केला. यावेळी भावाने सांगितले की, माझी तब्येत ठीक नाही तू ताबडतोब बागे फिरदौस या ठिकाणी ये. ती रिक्षाने घराकडे निघाली असताना वाटेत रिक्षा चालक आणि बागे फिरदौस येथे उपस्थित असलेल्या तिच्या भावाला जबर मारहाण करण्यात आली आणि तरुणीचं अपहरण करण्यात आले आणि परिसरातील निर्जनस्थळी झाडाझुडपात बलात्कार करण्यात आला.बागे फिरदौस येथून तरुणीसह तिच्या भावालाही रिक्षा जबरदस्ती बसवून नेण्यात आले. आरोपी सदरे उर्फ मोहम्मद सईद आलम, पाशा, लड्डू ,गोलू आणि इतर दोन जण (सर्व राहणार फा. नगर) यांनी आपसांत संगनमत करून तरुणीला जुनी नवजीवन इंग्रजी शाळेच्या पाठीमागे असलेल्या झाडाझुडपात नेले आणि तिच्यावर सामूहिक बलात्कार केला.

एवढ्यावरच न थांबता वासनांध नराधमांनी तिला पुन्हा फातमा नगरात आणले आणि तेथे उभ्या असलेल्या एका पिकअप बोलेरो गाडीमध्ये पुन्हा तिच्यावर जबरदस्तीने अत्याचार केले. नंतर तिला धमकीसुद्धा देण्यात आली. एवढे सगळे घडल्यानंतर नराधम पीडित तरुणी, तिचा भाऊ आणि रिक्षा चालकाला सोडून तेथून पसार झाले.या भयंकर घटनेनंतर तरुणीने धाडस करुन पोलिसांत धाव घेतली आणि तिच्यासोबत घडलेला प्रसंग पोलिसांना सांगितला. पोलिसांनी तक्रारीची दखल घेत भिवंडी तालुका ग्रामीण पोलिस गुन्हा दाखल केला आहे. तर ही घटना शांतीनगर पोलीस ठाण्याच्या हद्दीतील असून तो त्या पोलीस ठाण्यात वर्ग करण्यात आल्याने पोलिसांनी सांगितले. दरम्यान ६ जणांपैकी एकाला अटक करण्यात आली असून अन्य आरोपींचा शोध सुरु आहे, अशी माहिती देखील पोलिसांनी दिली आहे.