कर्नाटकात महाराष्ट्राच्या एसटी बसवर हल्ला, पुणे आणि कोल्हापूरमध्ये ठाकरे गट आक्रमक.

महाराष्ट्र-कर्नाटक सीमावाद पुन्हा उफाळण्याची शक्यता आहे. कर्नाटकमध्ये एसटी महामंडळाच्या बसवर हल्ला करण्यात आला असून एसटी चालकाला काळे फासून मारहाण करण्यात आली आहे. यापाठोपाठ महाराष्ट्रातून कर्नाटकमध्ये जाणाऱ्या एसटी बस रद्द करण्याचा निर्णय घेण्यात आला आहे. आता ठाकरे गट आक्रमक भूमिका घेताना दिसत आहे.महाराष्ट्र आणि कर्नाटक सीमावादाचा प्रश्न पुन्हा पेटण्याची शक्यता आहे. कर्नाटकात कन्नड रक्षक वेदिकेच्या कार्यकर्त्यांनी एसटी महामंडळाच्या बसवर हल्ला केलाय. फक्त हेच नाही तर त्यांनी मुजोरी करत एसटी चालकाच्या तोंडालाही काळे फासत मारहाण केलीये. आता पुन्हा एकदा महाराष्ट्र-कर्नाटकमध्ये सीमा प्रश्न निर्माण झालाय. या घटनेनंतर महाराष्ट्रातून कर्नाटकमध्ये जाणाऱ्या एसटी बस रद्द करण्याचा निर्णय सरकारकडून घेण्यात आलाय. आता या घटनेचे अनेक फोटो आणि व्हिडीओ हे सोशल मीडियावर व्हायरल होत आहेत. यामुळे लोकांमध्ये प्रचंड असा संताप हा बघायला मिळतोय.

कर्नाटकमध्ये एसटी महामंडळाच्या बसवर हल्ला झाल्यानंतर आता उबाठा गटाचे कार्यकर्त्ये आक्रमक भूमिका घेताना दिसत आहेत. त्यांनी थेट इशारा देत कर्नाटक सरकारच्या एसटी बस जाळून टाकण्याचाच थेट इशारा दिलाय. कोल्हापूर आणि पुण्यात कार्यकर्त्यांकडून आंदोलन केले जातंय. उबाठा गटाच्या कार्यकर्त्यांनी कर्नाटक सरकारच्या बसला काळे फासले आहे. यावेळी पोलिस कार्यकर्त्यांना रोखताना देखील दिसत आहेत. मात्र, कार्यकर्त्ये आक्रमक भूमिका घेताना दिसले.महाराष्ट्रातील मराठी माणसाला तिथे मारहाण केली जातंय हे अजिबात खपून घेतले जाणार नाहीये. येथून एकही कर्नाटकची बस जाऊ देणार नाही. मुख्यमंत्री का शांत बसले आहेत? आम्ही आमच्या मराठी माणसासाठी शंभर टक्के रस्त्यावर उतरू. यावेळी फक्त इशारा दिलाय. अशी घटना परत घडली तर सर्व कर्नाटकच्या गाड्या या जाळून फोडून काढल्या जातील. महाराष्ट्राप्रमाणेच मराठी माणसाला कर्नाटकमध्ये सन्मान मिळाला पाहिजे, असे आंदोलकांनी म्हटले.जय भवानी जय शिवाजी अशा घोषणा देखील कार्यकर्त्यांकडून मोठ्या प्रमाणात देण्यात आल्या. मराठी माणसांबद्दल पोलिसांना देखील अभिमान नसल्याचा आरोप आंदोलनकर्त्यांनी लावलाय. कन्नड रक्षक वेदिकेच्या कार्यकर्त्यांनी एसटी महामंडळाच्या चालकाला कन्नडमध्ये का येते म्हणत मारहाण केली. पुणे-बंगळुरु महामार्गावर चित्रदुर्ग इथे ही धक्कादायक.