अपहरण करुन जंगलात नेलं अन् डान्सरसोबत ६ जणांचं घृणास्पद कृत्य; नराधम अटकेत.

 मध्यप्रदेशातून एक संतापजनक बातमी समोर येत आहे. मध्यप्रदेशच्या सिंगरौली जिल्ह्यातील २२ वर्षीय तरुणीचे अपहरण करुन तिच्यावर सामूहिक बलात्कार करण्यात आला आहे.मध्यप्रदेशातून एक संतापजनक बातमी समोर येत आहे. मध्यप्रदेशच्या सिंगरौली जिल्ह्यातील २२ वर्षीय तरुणीचे अपहरण करुन तिच्यावर सामूहिक बलात्कार करण्यात आला आहे. एका वृत्तसंस्थेने पोलीस सूत्रांच्या हवाल्याने यांसंदर्भात वृत्त दिले आहे. याप्रकरणी ६ जणांना बेड्या ठोकण्यात आल्या आहेत.

पोलीस अधिकारी के के पांडे यांनी सांगितले की आम्ही अपहरण आणि बलात्काराच्या प्रकरणा ६ आरोपींना अटक केली आहे. पीडित तरुणी एका कार्यक्रमाहून घरी परतत होती. यावेळी दुचाकीवरुन येत काही जणांनी तिचे अपहरण केले आणि तिला जिल्हा मुख्यालयापासून ३० किलोमीटर दूर अंतरावरील जंगलात घेऊन गेले.जंगलात नेऊन नराधमांनी तरुणीवर बलात्कार केला. त्यानंतर तिचा मोबाईल देखील हिसकावून घेतला. यानंतर पीडित तरुणी कशीबशी त्यांच्या तावडीतून सुटली आणि त्या भागातून लिफ्ट घेत घरी पोहोचली आणि त्याच रात्री तिने पोलीस ठाणे गाठले आणि घटनेसंदर्भात तक्रार दाखल केली. एसडीओपीने सांगितले की, पोलिसांनी शुक्रवारी आरोपी पंकज शाह, सुंदरलाल शाह, राहुल शाह, पंकज शाह, राजू शाह आणि ओमप्रकाश शाह या सहा जणांना अटक केली आहे आणि त्यांना न्यायालयीन कोठडीत पाठवण्यात आले आहे.दरम्यान स्थानिक लोक या घटनेमुळे संतप्त झाले आहेत आणि आरोपींवर कठोर कारवाईची मागणी करत आहेत. तसेच, या घटनेमुळे राज्यातील महिलांच्या सुरक्षिततेवर प्रश्नचिन्ह उपस्थित झाले आहे.