धार्मिक स्थळाच्या बांधकामावरून वाद, देवयानी फरांदे यांचा मोठा आरोप, महंत सुधीरदास पुजारींना पोलिसांनी घेतले ताब्यात.

नाशिकमध्ये एका धार्मिक स्थळाच्या अतिक्रमण कारवाई दरम्यान तणावाचे वातावरण निर्माण झाले आहे. हिंदू संघटनांन काही आरोप केली आहेत. अतिक्रमण कारवाई पूर्ण झाली नसल्याचे सांगत. संघटना आंदोलन करत होत्या. यादरम्यान पोलिसांनी काही लोकांना आणि महंत सुधीरदास पुजारी यांना ताब्यात घेतले आहे.नाशिकमध्ये एका धार्मिक स्थळाच्या बांधकामावरून मोठा वाद निर्माण झालाय. नाशिकमधील हिंदू संघटना एका दर्ग्याबाबत संतप्त असून त्यामुळे शहरात तणावाचे वातावरण आहे. हा दर्गा अतिक्रमण करून बांधण्यात आला असून तो बेकायदेशीर असल्याचे संघटनांचे म्हणणे आहे. धार्मिक स्थळावरील अतिक्रमण कारवाई दरम्यान अनुचित प्रकार घडू नये, याकरिता मोठा पोलिस बंदोबस्त ठेवण्यात आला. मात्र, अतिक्रमण कारवाई पूर्ण झाली नसल्याने हिंदू संघटना या आक्रमक झाल्या आहेत.

आता आमदार देवयानी फरांदे या देखील घटनास्थळी दाखल झाल्या आहेत. देवयानी फरांदे यांनी म्हटले की, अतिक्रमण कारवाई पूर्ण झालेली नाहीये. यामुळे स्थानिक नागरिक नाराज आहेत. अर्धवट अतिक्रमण काढले गेले आहे. रस्त्यावर अतिक्रमण करून काय संदेश द्यायचाय. पोलिसांनी व महापालिकेने संपूर्ण अतिक्रमण काढावे. दोन समाजातील संघर्ष मिटवायचा असेल तर प्रशासनाने योग्य व पूर्ण कारवाई करावी. अजून काही बांधकाम तिथे आहे. ते पण काढायला हवे.पुढे देवयानी फरांदे यांनी म्हटले की, नागरिकांच्या भावना तीव्र आहेत. मी नागरिकांसोबत आहे. मी तिथे पाहणी करणार आहे. अतिक्रमण पूर्ण काढले गेले नसल्याने हिंदुत्ववादी संघटनांनी आंदोलनास सुरूवात केली होती. आता पोलिसांनी महंत सुधीरदास पुजारींसह काही कार्यकर्त्यांना ताब्यात घेतले आहे. भाजपाच्या काही कार्यकर्त्यांना ताब्यात घेतले. आमदार देवयानी फरांदे या देखील घटनास्थळी पोहोचल्या आहेत.यावेळी महंत सुधीरदास पुजारी यांनी म्हटले की, शांततापूर्ण आंदोलन सुरू असताना पोलिस अशाप्रकार धटींगशाही करते…मुख्यमंत्र्यांनी यामध्ये लक्ष्य घालावे. पोलिसांनी बळाचा वापर करत तिथे जमलेल्या नागरिकांना ताब्यात घेण्यास सुरूवात केलीये. सकाळपासून शांतते सुरू असलेल्या कारवाईला आता एक वेगळे वळण लागल्याचे बघायला मिळतंय. नागरिकांची गर्दी वाढताना दिसत असून नाशिक पोलिस अॅक्शन मोडवर आल्याचे बघायला मिळत आहे.