बहीण वाट बघत राहिली, पण भाऊ नाही, त्याच्या मृत्यूची बातमी आली, समृद्धीवर मृत्यू, भेट अधुरीच.

बुलढाणा येथे समृद्धीवर झालेल्या भीषण अपघातात कार पेटून दोघांचा मृत्यू झाला आहे. कार लेनना धडकल्याने पेटली आणि त्यातच दोघे होरपळून मृत्यूमुखी पडले आहेत.मुंबईवरून अकोला येथे समृद्धी महामार्गाने भरधाव वेगात जाणाऱ्या कारचालकाचे नियंत्रण सुटले आणि सदर कार लेनला धडकली. कार सीएनजी असल्याने जागीच पेट घेतला. अपघात घडताच कारचालकाने उडी मारल्याने तो वाचला. मात्र, दोन प्रवाशांचा जळून मृत्यू झाल्याची दुर्दैवी घटना २० फेब्रुवारी रोजी सकाळी नऊ वाजताच्या सुमारास समृद्धी महामार्गावरील दुसर बीड टोल नाक्याजवळ चॅनल क्रमांक ३१८ वर घडली.समृद्धी महामार्गावरील दुसरबीड येथील टोल नाक्यापासून जवळच अंतरावर एमएच शून्य चार एलबी ३१ शून्य नऊ या क्रमांकाची कार समृद्धी महामार्गाने ठाण्यावरून अकोल्याच्या दिशेने जात होती.

यादरम्यान चॅनल क्रमांक ३१८.८ जवळ नागपूर कॅरिडॉरवर चालक अभिजीत अर्जुन चव्हाण (वय वर्ष ३५ राहणार मुंबई) याचे कार वरील नियंत्रण सुटले आणि कार मिडीयममधील क्रॅश बॅरियरवर धडकून सदर बॅरियरची पट्टी कारच्या समोरील भागातून अक्षरशः आरपार निघाली. कारमध्ये सीएनजी असल्याने कारणे लगेच पेट घेतला.सदर कारमध्ये अकोला येथे बहिणीच्या घरी भेटीसाठी जात असलेले गणेश सुभाष टेकाळे (वय वर्ष ४०) आणि राजू महंतलाल जयस्वाल (वय वर्ष ३२ दोन्ही राहणार लोकमान्य नगर ठाणे मुंबई) यांचा जागेवर जळून मृत्यू झाला. तर चालक अभिजीत अर्जुन चव्हाण हा गंभीर जखमी झाला. अपघाताची माहिती मिळताच किनगाव राजा पोलीस स्टेशनचे ठाणेदार विनोद नरवाडे बीट जमदार गणेश डोईफोडे, महामार्ग ॲम्बुलन्सचे डॉक्टर वैभव बोराडे, डॉक्टर यासीन शहा चालक , दिगंबर शिंदे यांनी तात्काळ सदर जखमींना बीबी ग्रामीण रुग्णालय येथे उपचार साठी दाखल केले. दोन्ही मृतकांना क्षविच्छेदनासाठी ग्रामीण रुग्णालय सिंदखेड राजा येथे पाठविण्यात आले असून सदर मृतक यांचे नातेवाईक यांच्याशी संपर्क साधून पुढील कारवाई करण्यात येत आहे.अपघात घडला यावेळी तत्काळ समृद्धी महामार्ग टीम व महामार्ग पोलीस चे पीएसआय गजानन उज्जैनकर, शैलेश पवार पोलीस कॉन्स्टेबल विठ्ठल काळुसे, मुकेश जाधव संतोष वनवे, संदीप किरके, अरुण भुतेकर व एम एस एफ यांनी तात्काळ घटनास्थळी गाठून सदर मृतदेह जळालेल्या कारमधून बाहेर काढले. देऊळगाव राजा उपविभागीय अधिकारी मनीषा कदम यांनी लगेच घटनास्थळी भेट देऊन पुढील कारवाई केली. अपघातग्रस्त कार क्रेनच्या साह्याने मिडीयममध्ये लावून वाहतूक सुरळीत करण्यात आली.